Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кавалёў Павел Нiчыпаравiч
Гады жыцця, месца нараджэння:		(18(05). 11.1912, в. Склiмiн, Клiмавiцкі раён, Магiлёўская вобласць – 02.09.1995).
Творчая накіраванасць, тэматычны жанр:		Празаiк, драматург, перакладчык, грамадскі дзеяч.
Звесткі аб званнях, узнагародах:		Член Саюза пісьменнікаў Беларусi (1945), адказны сакратар праўлення Саюза пісьменнікаў БССР, заслужаны работнік культуры Беларускай ССР(1978). Узнагароджаны ордэнамi Працоўнага Чырвонага Сцяга i Айчыннай вайны 2-й ступенi, двума ордэнамi "Знак Пашаны", медалямi, шасцю Ганаровымi граматамi Вярхоўнага Савета БССР, Ганаровай граматай Тувiнскай АССР.

Дадатковая інфармацыя (націсніце для паказу/скрывання)

Імя на рускай мове:		Ковалев Павел Никифорович
Псеўданімы:		Янка Бярозка; П. Віхроў; Паўлюк Купалін
Творчасць:		Павел Нiчыпаравiч Кавалёў – беларускі празаік, драматург, перакладчык, грамадскі дзеяч. Нарадзіўся на Магілёўшчыне, працаваў настаўнiкам Пожарскай пачатковай школы Клiмавiцкага раёна, затым сакратаром Клiмавiцкай раённай газеты "Камуна". У 1932 г. быў пераведзены ў Смалявiцкую газету "Шлях калектывiзацыi", адкуль пайшоў вучыцца ў Камунiстычны iнстытут журналiстыкi (закончыў у 1936 г.). Затым накiраваны ў газету "Звязда", дзе быў лiтработнiкам, загадчыкам аддзела культуры, а на пачатку вайны сакратаром. У 1940 г. уступiў у КПСС. З 1941 па 1943 г. працуе сакратаром рэдакцыi газеты "Савецкая Беларусь" (знаходзiлася ў Маскве). У 1943 г. быў адклiканы на работу ў Цэнтральны штаб партызанскага руху, дзе служыў старшым памочнiкам начальнiка аддзялення друку да 1944 г. Пасля расфармiравання штаба быў памочнiкам начальнiка першага сакратара ЦК КП(б)Б. З 1946 г. – адказны сакратар праўлення Саюза пiсьменнiкаў БССР. З 1955 па 1967 г. – галоўны рэдактар часопiса "Вожык". З 1967 па 1972 г. – галоўны рэдактар часопiса "Полымя". У складзе дэлегацыi Беларускай ССР прымаў удзел у рабоце ХХI сесii Генеральнай Асамблеi ААН (1966 г.). Першыя нарысы П. Кавалёва былі надрукаваны ў Клiмавiцкай газеце "Камуна" (1929). У 1930 г. яго першы верш "Жыццё iмчыцца" змясцiла рэспублiканская газета "Пiянер Беларусi" (публiкацыi не выяўлены). Да вайны пераважна выступаў у друку з вершамi, нарысамi i артыкуламi. У ваенны час найбольш выявiў сябе як нарысiст (публiкацыi ў "Савецкай Беларусi"). У 1945 г. выдаў кнiгу апавяданняў i нарысаў "Прага бою", аднаактныя п’есы "Подзвiг", "Родная кроў", дзе паказаў героiку Вялiкай Айчыннай вайны. У творах на сучасную тэматыку ўзнiмае маральна-этычныя праблемы, iмкнецца да стварэння паўнакроўных характараў, дакладнасцi псiхалагiчнай матывiроўкi ўчынкаў. Пiсаў творы для дзяцей. Найбольш значныя творы П. Кавалёва – аповесцi "Падзенне Хвядоса Струка", "Дзень першы, ноч апошняя", "Пакiнь нас, трывога". Выступаў у жанры сатыры i гумару. Творы П. Кавалёва перакладалiся на рускую, украiнскую i iншыя мовы.
Спіс асобна выдадзеных кніг і зборнікаў:		"Прага бою" (1945) "Калгас iмя Янкi Купалы" (Мінск, 1948) "Аповесць пра добрае сэрца" (Мінск, 1950) "У новы дзень" (Мінск, 1952) "Каб шчаслiва жыць" (Мінск, 1953) "Згублены дзённiк" (Мінск, 1954) "Апавяданнi" (Мінск, 1956) "Сярод людзей калгасных" (Мінск, 1959) "Пiсьмы ў два адрасы" (Мінск, 1959) "Рассказы" (Минск, 1960) "Лёнька Гром" (Мінск, 1961) "Сонца ў вокна" (Мінск, 1962) "Малы мужчына" (Мінск, 1966) "Падзенне Хвядоса Струка" (Мінск, 1967) "Чырвоны лядок" (Мінск, 1969) "Павер, кахаю…" (Мінск, 1969) "Андрэйка" (Мінск, 1970) "Красный ледок" (Москва, 1971) "Выбраныя творы" 2 т. (Мінск, 1972) "Жывi сабе, зайчык!" (Мінск, 1975) "Повесть о добром сердце" (Мінск, 1976) "Дзень першы, ноч апошняя" (Мінск, 1980) "Пакiнь нас, трывога" (Мінск, 1982) "Спытай сябе, Анiска" (Мінск, 1985) "На ўсё жыццё" (Мінск, 1985) "Выбранае " (Мінск, 1987) "Судзi сябе сам" (Мінск, 1992) "Намеснiк бабулi" (Мінск, 1992)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Беларуская энцыклапедыя : у 18 т. – Мінск, 1998. – Т. 7. – С. 395. Беларускія пісьменнікі : біябібліяграфічны слоўнік : у 6 т. – Мінск, 1994. – Т. 1. – С. 45–52. Культура Беларусі : энцыклапедыя : в 6 т. – Мінск, 2013. – Т. 4. – С. 236. Лапо, І. Клопат сённяшні – дзень заўтрашні / Іван Лапо // Новае жыццё. – 1987. – 17 лістапада. – С. 3. Матохін, У. Юбілей пісьменніка / У. Матохін // Родная ніва. – 1992. – 25 лістапада. Пiсьменнiкi Магiлёўшчыны : бiблiяграфічны паказальнiк. – Магiлёў, 1993. – С. 94–97. Пiсьменнiкi Савецкай Беларусi : кароткi даведнiк. – Мінск, 1981. – С. 150. Памяць : гісторыка-дакументальная хроніка Клімавіцкага раёна / [галоўны рэдактар У. І. Лемяшонак]. – Мінск,1995. – С. 630–631 : фота. Сіпакоў, Я. У бакавушцы, пры самавары… / Янка Сіпакоў // Нёман. – 2007. – № 11. – С. 11. Энцыклапедыя літаратуры і мастацтва Беларусі : у 5 т. – Мінск, 1985. – Т. 2. – С. 603–604.