Таленты ад роднай зямлi

Пошук персаналiй		Геаграфiчны пошук


Імя на беларускай мове:		Глуздоў Мiкалай Мiкалаевiч
Гады жыцця, месца нараджэння:		(31.10.1952, в. Панкратаўка, Горацкі раён, Магiлёўская вобласць – 20.07.2013, г. Клімавічы, пахаваны ў в. Панкратаўка, Горацкі раён).
Творчая накіраванасць, тэматычны жанр:		Паэт, журналіст, бард, грамадскі дзеяч.
Звесткі аб званнях, узнагародах:		Член Саюза журналістаў Рэспублікі Беларусь.

Дадатковая інфармацыя (націсніце для паказу/скрывання)

Імя на рускай мове:		Глуздов Николай Николаевич
Псеўданімы:
Творчасць:		Мікалай Мікалаевіч Глуздоў – паэт, выдатны журналіст, бард, грамадскі дзеяч. Член Саюза журналістаў Рэспублікі Беларусь. Нарадзіўся на Магілёўшчыне, працаваў фотакарэспандэнтам у Клімавіцкай раённай газеце "Новае жыццё", загадчыкам аддзела пісем і масавай работы, намеснікам галоўнага рэдактара ўстановы "Рэдакцыя Клімавіцкай раённай газеты "Родная ніва" і праграмы радыёвяшчання "Голас Клімаўшчыны". Мікалай Глуздоў аднолькава выдатна, на высокім узроўні, пісаў і аналітычныя артыкулы, і задзёрыстыя крытычныя нататкі, і лірычныя замалёўкі пра сучаснікаў. З-пад рукі паэта выходзілі цудоўныя вершы пра родную Беларусь і людзей, якія тут жывуць. Паэзiя Мiкалая Глуздова – гэта ўвасабленне вечнага пошука iсцiны, турботнага чалавечага духу, праўды пачуццяў. Яго вершы прымушаюць думаць, разважаць пра жыццё з яго радасцямі і супярэчнасцямі, светлымі марамі і падзеямі. З першых – слоў яны закранаюць за жывое сваіх чытачоў, прымушаюць мацней біцца сэрца: Добрая слава знянацку не прыйдзе, – Добрую славу патрэбна нажыць. Добрую славу ніхто не пакрыўдзіць, Добраю славай умей даражыць. "Жыві, любі, веруй, рызыкуй..." – гэтыя словы сталі дэвізам паэта, яго жыццёвым крэда. Ён адзін з тых, хто ствараў сапраўдную лірыку, якая непадуладная часу. Сябраваў з гітарай. Шмат цудоўных песень было напісана і выканана ім. Рэгулярна друкаваў свае вершы на старонках рэспублiканскіх, абласных, раённай газет.
Спіс асобна выдадзеных кніг і зборнікаў:		"Быть. Жить. Любить" (Климовичи, 1996) "Навстречу солнцу" (Климовичи, 2002)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Андрюшкова, Л. Календарь событий в лицах и фактах / Людмила Андрюшкова // Родная ніва. – 2012. – 29 лютага. – С. 5. Віктарава, Г. Журналіст. Паэт. Бард / Галіна Віктарава // Родная ніва. – 2014. – 8 лістапада. – С. 2. Віктарава, Г. "Пяю свой край" / Галіна Віктарава // Родная ніва. – 2012. – 11 студзеня. – С. 3. Вусная гісторыя : літаратурная Клімаўшчына [электронны рэсурс]. – Клімавічы, 2013. – 1электрон. опт. дыск (CD-ROM). Клімавіцкія краязнаўчыя чытанні : зборнік матэрыялаў / [Асацыяцыя краязнаўцаў малых мястэчак Магілёўшчыны]. – Клімавічы, 2006. – С. 8. Літаратурныя таленты зямлі Клімавіцкай : рэкамендацыйна-бібліяграфічны паказальнік. – Клімавічы, 2013. – С. 9–10. Памяці калегі і сябра // Родная ніва. – 2013. – 24 ліпеня. – С. 2. Паўлава, Г. Рыфмы лёгкі палёт / Галіна Паўлава // Родная ніва. – 2013. – 22 мая. – С. 5. Подлипская, Т. Вечер памяти / Татьяна Подлипская // Могилевкая правда. – 2014. – 13 ноября. – С. 2.