Таленты ад роднай зямлi

Пошук персаналiй		Геаграфiчны пошук


Імя на беларускай мове:		Васілеўскі Пятро Савельевіч
Гады жыцця, месца нараджэння:		(15.05.1922, в. Сямёнаўка, Клiмавiцкі раён, Магiлёўская вобласць – 24.02.2002).
Творчая накіраванасць, тэматычны жанр:		Празаік, драматург, сцэнарыст, кінарэжысёр.
Звесткі аб званнях, узнагародах:		Член Саюза пісьменнікаў СССР (1954), член Саюза кінематаграфістаў СССР (1967). Узнагароджаны ордэнам Вялікай Айчыннай вайны I ступені і медалямі.

Дадатковая інфармацыя (націсніце для паказу/скрывання)

Імя на рускай мове:		Василевский Петр Савельевич
Псеўданімы:
Творчасць:		Пятро Савельевiч Васiлеўскi – беларускі празаік, драматург, сцэнарыст, кінарэжысёр, удзельнік Вялікай Айчыннай вайны. Нарадзіўся на Магілёўшчыне. Пасля заканчэння Журавіцкай дзесяцігодкі быў прызваны ў Савецкую Армію. На пачатку Вялікай Айчыннай вайны прымаў удзел у баях на Карэльскім фронце. З 1942 г. – карэспандэнт армейскай газеты "Сталинский боец". Быў двойчы паранены. У 1944 г. – дэмабілізаваны, з 1945 г. працаваў у рэдакцыі газеты "Сталинская молодежь", потым з 1946 г. накіраваны ў Рэспубліканскую партыйную школу пры ЦК КПБ. У 1947 г. паступіў у школу-студыі МХАТа і ў той жа год перайшоў на рэжысёрскі факультэт Усесаюзнага інстытута кінематаграфіі (скончыў у 1953 г.). З 1953 па 1988 г. працаваў рэжысёрам на кінастудыі "Беларусьфільм". З’яўляўся сябрам СП СССР з 1954 г. Узнагароджаны ордэнам Айчыннай вайны I ступені і медалямі. Першае апавяданне "Так паміраюць бясстрашныя" апублікаваў у 1942 г. у газеце "Сталинский боец". Друкаваўся ў армейскай газеце "Боевой путь", сатырычным часопісе "Сквозняк". У беларускім друку выступае з 1945 г. У 1956 г. выйшла першая кніга-аповесць "Новый день", затым "Первопуток", "Красота человеческая", "Вечные молодожены". Працаваў пераважна ў галіне драматургіі. Аўтар п’ес "Год дзевяцьсот семнаццаты" ("Год здзяйсненняў", апублікавана і пастаўлена ў 1957 г.), "Чалавек вярнуўся" (1961 г., пастаўлена ў 1959 г.), "Любоў, Надзея, Вера..." (1962 г., пастаўлена ў 1960), "Странный дом" (апублікавана і пастаўлена ў 1962 г.), "Твой заўтрашні дзень" (пастаўлена ў 1967 г.). У 1968 г. быў выдадзены зборнік п’ес "Твой заўтрашні дзень", у 1984 г. – "Образ жизни". Асноўная тэматыка творчасці пісьменніка – сучаснасць. Пісаў пра сельскіх працаўнікоў, уздымаў праблемы выхавання моладзі, востра ставіў маральна-этычныя праблемы. Аўтар шматлікіх нарысаў, апавяданняў, гумарэсак, сучасных казак. У якасці рэжысёра і сцэнарыста прымаў удзел у стварэнні мастацкіх і і дакументальных кінафільмаў "Беларускі канцэрт", "Дзеці партызана", "Строгая жанчына", "Апавяданні аб юнацтве", "Палеская легенда", "Рагаты бастыён", "Выкрыццё", "Беларусь сёння", "Крокі ў заўтра", тэлефільма аб жыцці і творчасці Якуба Коласа "Жывіце даўжэй, хлопцы" і інш.
Спіс асобна выдадзеных кніг і зборнікаў:		"Новый день" (Минск, 1956) "Первопуток" (1958) "Странный дом" (Масква, 1962) "Любоў, Надзея, Вера…" (Мінск, 1962) "Год дзевяцьсот семнаццаты" (Масква, 1967) "Твой заўтрашнi дзень" (Мінск, 1968) "Красота человеческая" (Минск, 1980) "Образ жизни" (Мінск, 1984) "Вечные молодожены" (Минск, 1987)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Iшла вайна народная : беларускiя пiсьменнiкi ў Вялiкай Айчыннай. – Мінск, 1991. – С. 125–132. Беларуская энцыклапедыя : у 18 т. – Мінск, 1997. – Т. 4. – С. 24. Беларускія пісьменнікі (1917–1990) : даведнік / [складальнік А. К. Гардзіцкі]. – Мінск, 1994. – С. 95. Беларускія пісьменнікі : біябібліяграфічны слоўнік : у 6 т. – Мінск, 1992. – Т. 1. – С. 527–529. Белорусская ССР : краткая энциклопедия : в 5 т. – Минск, 1982. – Т. 5. – С. 116. Белорусское кино : персоналии / Национальная киностудия "Беларусьфильм". – Минск, 2007. – С. 37. Іофе, Э. У розных жанрах / Эмануіл Іофе // Літаратура і мастацтва. — 2022. — 8 ліпеня. — С. 11. Культура Беларусі : энцыклапедыя : в 6 т. – Мінск, 2011. – Т. 2. – С. 222. Літаратура і мастацтва. – 1992. – 15 мая (№ 20). – С. 7. Новыя кнігі: па старонках беларускага друку : штомесячны бібліяграфічны бюлетэнь / Нацыянальная бібліятэка Беларусі. – 1972. – № 2. – С. 32–34. Новыя кнігі: па старонках беларускага друку : штомесячны бібліяграфічны бюлетэнь / Нацыянальная бібліятэка Беларусі. – 2011. – № 8. – 23 с. Пiсьменнiкi Савецкай Беларусi : кароткi даведнiк. – Мінск, 1970. – С. 64. Памяць : гісторыка-дакументальная хроніка Клімавіцкага раёна / [галоўны рэдактар У. І. Лемяшонак]. – Мінск, 1995. – С. 624–625 : фота. Пісьменнікі Магілёўшчыны : бібліяграфічны паказальнік / Магілёўская абласная аб’яднаная бібліятэка імя У. І. Леніна. – Магілёў, 1993. – С. 32–33. Республика Беларусь : энциклопедия : в 7 т. – Минск, 2006. – Т. 2. – С. 593–594. Тэатральная Беларусь : энцыклапедыя : у 2 т. – Мінск, 2002. – Т. 1. – С. 203. Энцыклапедыя літаратуры і мастацтва Беларусі : у 5 т. – Мінск, 1984. – Т. 1. – С. 582.