Таленты ад роднай зямлi

Пошук персаналiй		Геаграфiчны пошук


Імя на беларускай мове:		Салаўцоў Мікалай Іванавіч
Гады жыцця, месца нараджэння:		(30.12.1937, в. Красавічы, Клімавіцкі раён, Магілёўская вобласць – 20.01.2022).
Творчая накіраванасць, тэматычны жанр:		Паэт, журналіст.
Звесткі аб званнях, узнагародах:		Член Саюза пісьменнікаў Беларусі (2006). Узнагароджаны медалямі "За доблестный труд" і "За трудовую доблесть". У 2017 годзе, па даручэнні начальніка ўпраўлення Чавускага ДАІ УУС, узнагароджаны юбілейным знакам "80 гадоў Дзяржаўтаінспекцыі".

Дадатковая інфармацыя (націсніце для паказу/скрывання)

Імя на рускай мове:		Соловцов Николай Иванович
Псеўданімы:
Творчасць:		Мікалай Іванавіч Салаўцоў нарадзіўся ў мнагадзетнай сялянскай сям’і. Закончыў сем класаў Красавіцкай НСШ, Савініцкую дзесяцігодку. У гады вучобы быў рэдактарам агульнашкольнай газеты, кіраўніком літаратурнага аб’яднання, актыўна ўдзельнічаў у мастацкай самадзейнасці, друкаваў заметкі аб школьным жыцці і свае вершы ў раённай газеце. Пасля заканчэння Клімавіцкага ветзаатэхнікума М. Салаўцоў працаваў у калгасе ветэрынарам i заатэхнікам. Служыў у радах Савецкай Арміі ў горадзе Гродна, рэгулярна наведваў пасяджэнні літаратурнага аб’яднання пры "Гродзенскай праўдзе", дзе ў той час працавалі вядомыя майстры слова – Васіль Быкаў, Міхась Васілёк, Вольга Іпатава, якія дапамаглі яму асэнсаваць сваё месца ў жыцці. Пасля арміі доўгі час быў на камсамольскай рабоце ў Клімавіцкім раёне. Працаваў брыгадзірам паляводчай брыгады ў саўгасе, сакратаром камсамольскай пярвічнай арганізацыі. З 1967 г. свой жыццёвы лёс М. Салаўцоў звязаў з Чавускім раёнам. Завочна закончыў факультэт журналістыкі БДУ імя У. І. Леніна. Доўгі час быў журналістам раённай газеты "Іскра", стваральнікам і галоўным рэдактарам раённага радыё, узначальваў раённае літаратурнае аб’яднанне "Маладзік над Проняй" пры раённай газеце "Іскра". M. Салаўцоў піша вершы i прозу на беларускай мове. Першы верш "Беларусь – мая Радзіма" быў надрукаваны ў Клімавіцкай раённай газеце "Молат" (1956), затым вершы друкаваў у розных перыядычных выданнях – "Піянер Беларусі", "Зорка", "Чырвоная змена", "Літаратура і мастацтва", "Настаўніцкая газета", "Бярозка", "Вясёлка", "Работніца і сялянка" і інш. М. Салаўцоў выдаў шэсць зборнікаў вершаў, з іх два для дзяцей ("Вавёрчын веласіпед", "Чаму плуг не ржавее"). Вершы М. Салаўцова вызначаюцца самабытнасцю, глыбокадумнасцю, меладычнасцю, на асобныя з іх напісана музыка. М. Салаўцоў – паэт-рэаліст. Яго галоўная задача – гэта праўдзівасць у паказе жыцця, і не толькі жыцця знешняга, але і ўнутранага жыцця чалавека, яго эмацыянальнага свету. Для паэтычнай мовы М. Салаўцова ўласцівы прастата і разам з тым імкненне знайсці нейкія "незацяганыя" словы, каб перадаць галоўную ідэю верша. Паэт займаецца актыўнай грамадскай дзейнасцю, раней працаваў сакратаром райкама прафсаюза работнікаў сельскай гаспадаркі, старшынёй Чавускага раённага камітэта народнага кантролю (1976-1992), абіраўся дэпутатам раённага Савета дэпутатаў.
Спіс асобна выдадзеных кніг і зборнікаў:		"Вавёрчын веласіпед" (Мінск, 1976) "Чаму плуг не ржавее" (Мінск, 1978) "Азбука зорнага неба" (Магілёў, 2000) "Жыцця акорды" (Магілёў, 2005) "Вясёлка лёсу" (Магілёў, 2007) "Сінія валошкі" (Магілёў, 2012) "Нябесныя арэхі" (2019) "Мае гады – жыцця плады" (2021)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку і калектыўных зборніках "Галасы Прыдняпроўя", "Матчына слова", "Прыдняпроўе", "Самавар у лесе". Аўтар літаратурных артыкулаў у перыядычным друку: Салаўцоў, М. Вершы / Мікола Салаўцоў // Прыдняпроўе — маё натхненне : Магілёўшчына літаратурная : паэзія, проза, нарысы, эсэ / Магілёўскае абласное аддзяленне грамадскага аб’яднання “Саюз пісьменнікаў Беларусі” / укладальнік Ул. Дуктаў ; рэдкал.: А. Балдоўскі [і інш.]. — Магілёў, 2009. — С. 299—303. Салаўцоў, М. Вершы / Мікола Салаўцоў // Прыдняпроўе : Магілёўшчына літаратурная : проза, паэзія, публіцыстыка / Магілёўскае абласное аддзяленне грамадскага аб’яднання "Саюз пісьменнікаў Беларусі" / укладальнік Ул. Дуктаў ; рэдкал.: А. Балдоўскі [і інш.]. — Магілёў, 2011. — С. 45—54. Салаўцоў, М. Два стрыжкі : верш / Мікола Салаўцоў // Вожык. — 2016. — №1. — С. 10. Салаўцоў, М. Гімн даішнікаў : [верш да 100-годдзя беларускай міліцыі] / Мікола Салаўцоў // На старже. — 2016. — 15 января. — С. 15. Салаўцоў, М. Мініяцюры / Мікола Салаўцоў // Звязда. — 2017. — 14 студзеня. — С. 12. Салаўцоў, М. Лекі не з аптэкі : [верш] / Мікола Салаўцоў // Вожык. — 2017. — № 9. — С. 16. Салаўцоў, М. Ганарлівы папугай : [верш] / Мікола Салаўцоў // Вожык. — 2017. — № 8. — С. 20. Салаўцоў, М. Паэту-таўкачу : [верш] / Мікола Салаўцоў // Вожык. — 2017. — № 5. — С. 13. Салаўцоў, М. Сад нявесціцца : [верш] / Мікола Салаўцоў // Вожык. — 2017. — № 5. — С. 13.
Крыніцы інфармацыі:		Аношкін, І. Жыццёвы і творчы шлях паэта / М. Салаўцоў, Вясёлка лёсу : вершы / Мікола Салаўцоў. – Магілёў, 2007. – С. 1–6. Бардзілоўскі, У. "Старасці не бачу" : [да выхаду зборніка вершаў "Азбука зорнага неба"] / Уладзімір Бардзілоўскі // Магілёўскія ведамасці. – 2000. – 15 ліпеня (№ 79). Васильева, М. Отмечен областным ГАИ / Марина Васильева // Іскра. — 2017. — 23 жніўня. — С. 4 : фото. "Вясёлка лёсу" Міколы Салаўцова : [да выхаду зборніка вершаў "Вясёлка лёсу" (Магілёў, 2007)] // Могилёвские ведомости. – 2008. – 2 февраля. – С. 10. Давідовіч, М. Вучаць назіраць, пазнаваць, думаць… : [пра кніжку "Чаму плуг не ржавее?"] / М. Давідовіч // Могилёвская правда. – 1979. – 11 мая. – С. 4. Даменікан, Т. Распавёў зямляк / Таццяна Даменікан // Літаратура і мастацтва. — 2014. — 25 красавіка. — С. 15. Дуктаў, У. Абмеркаванне творчасці М. Салаўцова / У. Дуктаў // Літаратура і мастацтва. – 2006. – 17 сакавіка. – С. 3. "Жыцця майго бурлівага крыніцы [Электронны рэсурс] : з вопыту работы кіраўніка гуртка "Юны журналіст і літаратар" Дома дзіцячай творчасці аддзела адукацыі Чавускага райвыканкама, члена Саюза пісьменнікаў Беларусі Салаўцова М. І. / склад. М. І. Салаўцоў. – Чавусы. – Дом дзіцячай творчасці аддзела адукацыі Чавускага райвыканкама, 2007. – Студзень. – 1 электронны апт. дыск (СD–RW). Казека, А. «Мае гады — жыцця плады» / Алесь Казека // Магілёўскія ведамасці. — 2022. — 23 снежня. — С. 22. Кавалёў, І. Сустрэча з паэтам-земляком / Ігар Кавалёў // Родная ніва. — 2014. — 19 красавіка. — С. 3. Кунцэвіч, В. Радкі яго досведу / Віктар Кунцэвіч // Літаратура і мастацтва. — 2018. — 19 студзеня. — С. 6. Новая кніга паэта // Родная ніва. – 2019. – 30 кастрычніка. – С. 5. Падабед, М. І. Жыцця акорды / Салаўцоў, М. Жыцця акорды. – Магілёў, 2005. – С. 4–5. Пехцераў I. Мiкола Салаўцоў // Салаўцоў М. Азбука зорнага неба : вершы. – Магiлёў : Абласная друкарня, 2000. – С. 4–6. Плён жыцця ў вершах і прозе // Літаратура і Мастацтва. — 2018. — 2 лютага. — С. 2. Прынятыя ў Саюз пісьменнікаў Беларусі : [Салаўцоў Мікола і інш.] // Літаратура і мастацтва. – 2006. – 27 кастрычніка. – С. 3. : партр. Пысін, А. Пра месяц сапраўдны і месячык падпечны : [пра першую кнігу для дзяцей "Вавёрчын веласіпед" (Мінск, 1976)] / А. Пысін // Могилёвская правда. – 1976. – 21 мая. – С. 4. – (Сярод кніг).