Таленты ад роднай зямлi

Пошук персаналiй		Геаграфiчны пошук


Імя на беларускай мове:		Крыжэвіч Валянцін Іванавіч
Гады жыцця, месца нараджэння:		(06.03.1945, в. Пільня, Чэрыкаўскі раён, Магілёўская вобласць – 2018).
Творчая накіраванасць, тэматычны жанр:		Пісьменнік, журналіст.
Звесткі аб званнях, узнагародах:		Член Саюза пісьменнікаў Беларусі. Узнагароджаны Памятным знакам "2000 лет христианству" Нацыянальнага аргкамітэта па падрыхтоўцы да сустрэчы трэцяга тысячагоддзя і святкавання 2000-годдзя хрысціянства.

Дадатковая інфармацыя (націсніце для паказу/скрывання)

Імя на рускай мове:		Крижевич Валентин Иванович
Псеўданімы:		В. Лес
Творчасць:		Крыжэвіч Валянцін Іванавіч скончыў факультэт журналістыкі Беларускага дзяржаўнага ўніверсітэта. Служыў у Савецкай Арміі, працаваў у Краснапольскай і Чэрыкаўскай раённых газетах, рэдактарам Чавускай раённай газеты "Іскра" (1978-2006), быў на партыйнай рабоце. Літаратурнай творчасцю пачаў займацца з 1968 г. Друкаваўся ў газетах "Во славу Родины" і "Заря". Яго гумарэскі і апавяданні з’яўляліся і ў рэспубліканскім друку. Першае гумарыстычнае апавяданне "Шапка" было надрукавана ў "Вожыку" ў 1970 г. Пазней гумарэска "Малінавы звон", надрукаваная ў часопісе, трапіла на Усесаюзнае радыё, а на Беларускім радыё загучала інсцэніраваная гумарэска "Фруктовыя штаны". Яго гумарэскам і апавяданням характэрныя тонкая іронія, досціп, цікавы сюжэт і амаль заўсёды нечаканая канцоўка. Нават у прыгодніцкіх аповесцях пісьменніка: "Остров на дне океана" (1989), "Демоны Рыжего леса" (2000) адчуваецца добры гумар. У 2005 г. стаў лаўрэатам 3-й прэміі конкурса газеты "Звязда" на лепшае апавяданне ("Тры вішні"), літаратурнага конкурса Магілёўскага аддзялення Саюза пісьменнікаў Беларусі і Магілёўскага гарадскога аддзялення рэспубліканскага грамадскага аб’яднання "Русское общество", прысвечанага памяці К. Сіманава (2011, "Горкі мёд 41-га"). "І манера пісьма, і мова Валянціна Крыжэвіча здаюцца вельмі простымі, нават недзе дзіўнымі. Але за гэтай простасцю і стрыманасцю – непадробленасць пачуццяў, традыцыя і праўда. І думка, роздум, праца душы і сэрца аўтара і героя апавядання... На маю думку, дык гэта вечны сакрэт, пра які не раз гаварылі нам класікі: здольнасць проста і складна распавесці пра тое, што на самой справе адбылося ў жыцці" (Віктар Казько). В. Крыжэвіч актыўна ўдзельнічае ў грамадскім жыцці. Быў членам Чавускага раённага выканаўчага камітэта, з 1978 г. выбіраўся дэпутатам Чавускага раённага Савета дэпутатаў, дэлегат Усебеларускага народнага схода (1976) і з’езда Саветаў Рэспублікі Беларусь (2000). У 1992 г. выбраны членам праўлення Беларускай асацыяцыі журналістаў-чарнобыльцаў і старшынёй Магілёўскага абласнога творчага аб’яднання журналістаў-чарнобыльцаў. Жыў у Чавусах.
Спіс асобна выдадзеных кніг і зборнікаў:		"Остров на дне океана" (Мінск, 1989) "Демоны Рыжего леса" (Мінск, 2000)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку і калектыўных зборніках "Галасы Прыдняпроўя", "Прыдняпроўе". Крыжэвіч, В. Кантужаны : апавяданне / Валянцін Крыжэвіч // Прыдняпроўе — край талентаў : альманах / укладальнік У. І. Бацквалевіч. — Мінск, 2014. — С. 189—198. Крижевич, В. Посланники руэны : фантастичестическая повесть / Валентин Крижевич // Прыдняпроўе — маё натхненне : Магілёўшчына літаратурная : паэзія, проза, нарысы, эсэ / Магілёўскае абласное аддзяленне грамадскага аб’яднання “Саюз пісьменнікаў Беларусі” / укладальнік Ул. Дуктаў ; рэдкал.: А. Балдоўскі [і інш.]. — Магілёў, 2009. — С. 202—262. Крыжэвіч, В. Кенгуру : [гумарэска] / Валянцін Крыжэвіч // Вожык. — 2011. — № 1. — С. 81.
Крыніцы інфармацыі:		Валянцін Крыжэвіч : [звесткі аб жыцці і творчасці пісьменніка з Чавус, ураджэнца Чэрыкаўскага раёна] // Прыдняпроўе. Магілёўшчына літаратурная : зборнік паэзіі і прозы ; [укладальнік У. Дуктаў]. - Магiлёў, 2016. Крисковец, Е. Тайны Валентина Крижевича : [заметки о повести нашего земляка из Чаус "Демоны Рыжего леса"] // Могилевская правда.– 2000. – 8 декабря - С.14. Памяти коллеги – Валентина Ивановича Крижевича : [некролог писателю из Чаус, уроженцу Чериковского района] // Іскра (Чавусы). - 2018. — 10 лютага. — С. 3. Прощай, коллега... : [на 73-м году жизни скончался Валентин Иванович Крижевич, писатель и журналист из Чаус] // Магілёўскія ведамасці. - 2018. — 9 лютага. — С. 3. Прыдняпроўе – маё натхненне : Магілёўшчына літаратурная : паэзія, проза, нарысы, эсэ / укладальнік У. Дуктаў. – Магілёў, 2009. – С. 202.