Таленты ад роднай зямлi

Пошук персаналiй		Геаграфiчны пошук


Імя на беларускай мове:		Савіцкі Уладзімір Іларыёнавіч
Гады жыцця, месца нараджэння:		(15(28).06.1914, в. Добасна, Кіраўскі раён, Магілёўская вобласць – 14.02.1989, г. Барысаў, Мінская вобласць).
Творчая накіраванасць, тэматычны жанр:		Пісьменнік, празаік.
Звесткі аб званнях, узнагародах:		Узнагароджаны двума ордэнамі Айчыннай вайны I ступені, двума ордэнамі Айчыннай вайны II ступені, двума ордэнамі Чырвонай Зоркі і медалямі, член Саюза пісьменнікаў СССР з 1972 г.

Дадатковая інфармацыя (націсніце для паказу/скрывання)

Імя на рускай мове:		Савицкий Владимир Илларионович
Псеўданімы:
Творчасць:		Савіцкі Уладзімір Іларыёнавіч – беларускі пісьменнік. Нарадзіўся на Кіраўшчыне ў сялянскай сям’і. З 1930 па 1932 гг. працаваў сакратаром у Дабаснянскім сельскім Савеце, а ў 1931 г. паступіў у Ленінградскі тэкстыльны інстытут. Пасля заканчэння вучобы ў 1937 г. служыў у Чырвонай Арміі. У 1939 г. быў дэмабілізаваны і ў гэтым жа годзе ўладкаваўся працаваць на Смаленскі ільнокамбінат – спачатку зменным майстрам, інжынерам, а потым і начальнікам цэха. У час Вялікай Айчыннай вайны служыў камандзірам мінамётнага ўзвода палкавой артылерыйскай батарэі. Удзельнічаў у баях на Калініскім, Паўночна-Заходнім, 2-м Прыбалтыйскім, 1-м Беларускім франтах. Быў тройчы паранены, кантужаны. У 1942 г. у газеце "Звязда" былі надрукаваны першыя яго вершы, але большую вядомасць атрымаў як празаік. Са студзеня 1944 г. працаваў ваенным карэспандэнтам, пазней рэдактарам дывізіённай газеты. Пасля дэмабілізацыі, у 1957 г. у званні маёра жыў у Барысаве. За заслугі перад Радзімай Уладзімір Іларыёнавіч Савіцкі ўзнагароджаны 2-ма ордэнамі Айчыннай вайны 1-й ступені, 2-ма ордэнамі Айчыннай вайны 2-й ступені, 2-ма ордэнамі Чырвонай зоркі і шматлікімі медалямі. Член Саюза пісьменнікаў СССР з 1972 г.
Спіс асобна выдадзеных кніг і зборнікаў:		"Людзі пярэдняга краю" (1956, 1958, ч. 1-2) "Ішлі салдаты" (1961) "Пасля бою" (1963) "Ноч перад парадам" (1970) "Ні хвіліны спакою" (1973) "Не ствары зла блізкаму" (1974) "І прыйдзе твой дзень" (1977) "Улька" (1981) "А гады ідуць" (1984) "Бліскавіцы на гарызонце" (1985) "Радасць жыцця" (1987) "Алена з Доўгіх Ніў" (1989) "Абпаленыя ўсходы" (1989)
Звесткі пра публікацыі ў зборніках, перыядычных выданнях:		Аўтар літаратурных артыкулаў
Крыніцы інфармацыі:		Суднік, З. А. Савіцкі Уладзімір / З. А. Суднік // Беларускія пісьменнікі : біябібліяграфічны слоўнік. У 6 т. Т. 5. Пестрак – Сяўрук / Інстытут літаратуры імя Янкі Купалы АН Рэспублікі Беларусь ; Беларуская энцыклапедыя ; пад рэдакцыяй А. В. Мальдзіса. – Мінск : Беларуская Энцыклапедыя імя Петруся Броўкі, 1995. – С. 214–215. Цітавец, А. Нашы славутыя землякі / А. Цітавец // Памяць : Гісторыка-дакументальная хроніка Кіраўскага раёна / рэдкалегія : В. І. Аўдзеева [і інш.] ; мастак Э. Э. Жакевіч. – Мінск : Вышэйшая школа, 1997. – С. 417.