Таленты ад роднай зямлi

Пошук персаналiй		Геаграфiчны пошук


Імя на беларускай мове:		Катляроў Ізяслаў Рыгоравіч
Гады жыцця, месца нараджэння:		(21.02.1938, г. Чавусы, Магілёўская вобласць – 26.06.2023).
Творчая накіраванасць, тэматычны жанр:		Паэт, крытык
Звесткі аб званнях, узнагародах:		Член Саюза пісьменнікаў Беларусі (1990).

Дадатковая інфармацыя (націсніце для паказу/скрывання)

Імя на рускай мове:		Котляров Изяслав Григорьевич
Псеўданімы:
Творчасць:		Ізяслаў Катляроў – вядомы рускамоўны паэт Беларусі. Нарадзіўся ў рабочай сям’і. Бацька, Рыгор Львовіч, удзельнік савецка-фінляндскай і Вялікай Айчыннай войнаў, працаваў у МТС, рабочым металургічнага завода. Маці, Яўгенія Ісакаўна, памерла 9 мая 1945 г., калі будучаму паэту было 7 гадоў. Пакуль бацька не вярнуўся з фронту, выхоўваўся ў бабулі. Вершы І. Катляроў пачаў пісаць у школьныя гады. Пасля заканчэння 7 класаў працаваў на Магілёўскай абутковай фабрыцы, адначасова вучыўся ў вячэрняй школе. У 1960 г. паступіў на вячэрняе аддзяленне факультэта журналістыкі БДУ, адначасова працаваў рабочым геадэзічнай канторы Мінгарвыканкама (1960-1962), літсупрацоўнікам газеты "Западная трасса" (1962-1966). Пасля заканчэння ўніверсітэта (1966) працаваў карэспандэнтам у Светлагорскай раённай газеце "Агні камунізму", затым адказным сакратаром, намеснікам рэдактара (1979). Сярод сучасных рускамоўных паэтаў Беларусі голас І. Катлярова адметны скіраванасцю на лаканічны роздум, які знаходзіць адпаведныя яму інтанацыі. У яго творах – роздум над лёсам Радзімы, над жыццём сучасніка. І. Катляроў згадвае пра цяжкае пасляваеннае дзяцінства, расказвае пра складанасць чалавечых узаемаадносін. Многія яго творы аўтабіяграфічны. Гэта своеасаблівыя аповесці ў вершах, героі якіх шмат у чым блізкія самому пісьменніку. Друкуецца з 1957 г. Першая кніга вершаў "Мой ровесник" (1975) адрасавана маленькім чытачам. Аўтар шматлікіх паэтычных зборнікаў, якія выдаваліся не толькі ў Беларусі, але і за яе межамі. Жыве ў горадзе Светлагорску, у 2001 г. яму прысвоена званне "Шаноўны грамадзянін г. Светлагорска". Адзін з ініцыятараў і стваральнікаў гарадской карціннай галерэі (1992). З 2001 па 2008 гг. – дырэктар галерэі. Шматлікія яго публікацыі сталі журналісцкім летапісам горада і раёна. Аўтар гісторыі Светлагорскага будаўнічага трэста № 20 ("Ровесник города") і Светлагорскага домабудаўнічага камбіната ("Домостроители"), брашуры аб карціннай галерэі "Традиция" ("Верность традициям"). Займаецца перакладамі на рускую мову вершаў беларускіх паэтаў.
Спіс асобна выдадзеных кніг і зборнікаў:		"Мой ровесник" (Мінск, 1975) "Конфетное дерево" (Мінск, 1980) "Друзья мои – свидетели мои" (Мінск, 1981) "Здесь, на трепетной земле" (Мінск, 1989) "На расстоянии взгляда и души" (Масква, 1990) "А душа и в молитве болит" (Мінск, 1994) "Но даже умираем, чтобы жить" (Мінск, 1999) "Россыпь" (Мінск, 2000) "Земля простит, но не прощает небо" (Мінск, 2001) "Куда б ни шел – иду к своей судьбе" (Мінск, 2002) "Вечное время во мне" (Мінск, 2003) "Сам себе дорога" (Мінск, 2004) "И гром, словно эхо войны" (Мінск, 2005) "По ту и эту сторону окна" (Мінск, 2006) "Сначала жизнь – потом судьба" (Мінск, 2007) "Диалог=Дыалог" (Мінск, 2008) "Принял я крещение от клена" (Мінск, 2009) "Сирень на попелище" (Мінск, 2009) "Зовущая печаль" (Мінск, 2010) "Побег из детства" (Мінск, 2011) "Небесная весть" (Масква, 2012) "Ученик вечности" (Москва, 2013) "Еще за далью и за высотой" (Москва, 2015) "Верность" (Мінск, 2015) "Неизъяснимое" (Мінск, 2015) "Из полуяви и полузабвений" (Москва, 2017) "Под глубиною высоты"(Москва, 2019)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў у перыядычным друку і калектыўных зборніках, мастацтвазнаўчых артыкулаў пра творчасць беларускіх мастакоў. Аўтар вершаў у перыядычным друку: Котляров, И. На карусели : [стихотворение] / Изяслав Котляров // Качели. — 2017. — № 8. — С. 4. Котляров, И. Качели : [стихотворение] / Изяслав Котляров // Качели. — 2017. — № 8. — С. 4. Катляроў, І. Вершы / Ізяслаў Катляроў // Літаратура і мастацтва. — 2017. — 16 чэрвеня. — С. 16 : фота. Катляроў, І. Вершы / Ізяслаў Катляроў // Літаратура і мастацтва. — 2017. — 16 чэрвеня. — С. 16 : фота. Катляроў, І. Вершы / Ізяслаў Катляроў ; пераклад з рускай Соф’я Шах // Лім. — 2016. — 16 верасня. — С. 8. Котляров, И. Словесный путь : Венок сонетов / Изяслав Котляров // Нёман. — 2016. — № 8. — С. 78—85. Котляров, И. Принял я крещение от клена: стихи. — Минск: Мастацкая літаратура, 2009.— 206 с. Котляров, И. «Диалог = Дыялог». — Минск: Книгосбор, 2008. — 316 с. Котляров, И. Стихи / Изяслав Котляров // Неман. — 2000. — № 10. — С. 192—193. Котляров, И. Стихи / Изяслав Котляров // Неман. — 1999. — № 2. — С. 159.
Крыніцы інфармацыі:		Беларуская энцыклапедыя : у 18 т. – Мінск, 1997. – Т. 8. – С. 176. Беларускія пісьменнікі : біябібліяграфічны слоўнік : у 6 т. – Мінск, 1993. – Т. 3. – С. 212–213.