Таленты ад роднай зямлi

Пошук персаналiй		Геаграфiчны пошук


Імя на беларускай мове:		Емяльянаў Аляксандр Міхайлавіч
Гады жыцця, месца нараджэння:		(20.03.1952, в. Забалацце, Чавускі раён, Магілёўская вобласць – 06.10.2005, Мінск, пахаваны ў в. Буцявічы Мінскага раёна).
Творчая накіраванасць, тэматычны жанр:		Паэт, перакладчык
Звесткі аб званнях, узнагародах:		Член Саюза пісьменнікаў Беларусі

Дадатковая інфармацыя (націсніце для паказу/скрывання)

Імя на рускай мове:		Емельянов Александр Михайлович
Псеўданімы:
Творчасць:		Емяльянаў Алесь нарадзіўся ў вёсцы Забалацце ў сям’і калгаснікаў. Скончыў Забалацкую пачатковую школу (1959), Чавускую СШ № 1 (1969), вучыўся ў Горацкай сельгасакадэміі (1969-1971), служыў у Савецкай Арміі (1971-1973). Працаваў у мясцовым калгасе, супрацоўнічаў у раённай газеце "Іскра". Завочна скончыў філалагічны факультэт БДУ(1983). Працаваў карэспандэнтам газеты "Піянер Беларусі", "Чырвоная змена" (1973-1983), у Галоўнай рэдакцыі літаратурна-драматычных праграм Беларускага тэлебачання (1983-1987). З 1987 г. – літкансультант Саюза пісьменнікаў Беларусі. Літаратурнай працай пачаў займацца ў 1968 г. Першы верш "Краіна марской красы" быў надрукаваны ў 1968 г. у часопісе "Бярозка". Друкаваў вершы ў часопісах "Полымя", "Маладосць", газеце "Магілёўская праўда". Адзін з аўтараў і стваральнікаў тэлечасопіса "Літаратурная Беларусь", курыраваў выхад у эфір літаратурна-мастацкага тэлечасопіса "Буг" Брэсцкай студыі тэлебачання. Пад яго рэдакцыяй выходзілі штомесячныя перадачы "Сугучча" аб перакладзе на беларускую мову твораў савецкіх і замежных пісьменнікаў. Пісаў пра жыццё сучасніка, яго любоў да Радзімы, роднай мовы, прыроды, раскрываў праблемы сучаснага гарадскога і вясковага побыту.
Спіс асобна выдадзеных кніг і зборнікаў:		"Ранак поўніцца жыццём" (Мінск, 1977) "Нязжатае поле" (Мінск, 1982) "На падкове дарог" (Мінск, 1987)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў у перыядычным друку
Крыніцы інфармацыі:		Беларуская энцыклапедыя : у 18 т. – Мінск, 1998. – Т. 6. – С. 390. Беларускія пісьменнікі : біябібліяграфічны слоўнік : у 6 т. – Мінск, 1993. – Т. 2. – С. 424–425.