Таленты ад роднай зямлi

Пошук персаналiй		Геаграфiчны пошук


Імя на беларускай мове:		Крупенька Яўген Міхайлавіч
Гады жыцця, месца нараджэння:		(20.08.1936, в. Саськаўка, Шклоўскі раён, Магілёўская вобласць – 1990).
Творчая накіраванасць, тэматычны жанр:		Паэт, крытык, перакладчык.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Крупенько Евгений Михайлович
Псеўданімы:
Творчасць:		Крупенька Яўген Міхайлавіч – беларускі паэт, перакладчык. Нарадзіўся ў сялянскай сям’і. Пасля заканчэння Фашчаўскай СШ працаваў літсупрацоўнікам у рэдакцыі Шклоўскай раённай газеты "Чырвоны барацьбіт" (1954-1955). Служыў у Савецкай Арміі (1955-1958). З 1958г. – літсупрацоўнік газеты "За вяртанне на Радзіму" (цяпер "Голас Радзімы"), з 1959 г. – часопіса "Блакнот агітатара", з 1961 г. – загадчык аддзела часопіса "Бярозка". У 1970 г. закончыў Літаратурны інстытут імя М. Горкага ў Маскве. Пасля заканчэння інстытута – супрацоўнік газеты "Чырвоная змена". Член СП РБ з 1980 г. Першыя вершы ў рэспубліканскім друку апублікаваў у 1956 г. (газета "Чырвоная змена"). Аўтар зборнікаў вершаў "Салаўі" (1969), "Нядзеля" (1972),"Бусліны човен" (1975), "Слон пад мікраскопам" (1978), "Стрэчанне" (1981), "Юбілейныя бліны" (1984), "Карэнні" (1986) і шэрага іншых. Перакладаў на беларускую мову творы грузінскіх і рускіх паэтаў. Выступаў з літаратурна-крытычнымі артыкуламі і рэцэнзіямі.
Спіс асобна выдадзеных кніг і зборнікаў:		"Салаўі" (Мінск, 1969) "Малінавы год" (Мінск, 1971) "Нядзеля" (Мінск, 1972) "Колеры" (Мінск, 1973) "Бусліны човен" (Мінск, 1975) "Нашы святы" (Мінск, 1975) "Усе работы добрыя" (Мінск, 1977) "Слон пад мікраскопам" (Мінск, 1978) "Хто нам дом пабудаваў" (Мінск, 1978) "Стрэчанне" (Мінск, 1981) "Юбілейныя бліны" (Мінск, 1984) "Карэнні" (Мінск, 1986) "Гекзаметр баразны" (Мінск, 1988) "Жыццём прысягаю" (Мінск, 2002)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Беларуская энцыклапедыя : у 18 т. – Мінск, 1999. – Т. 8. – С. 486. Беларускія пісьменнікі : біябібліяграфічны слоўнік : у 6 т. – Мінск, 1994. – Т. 3. – С. 303. Булахаў, М. Г. Крупенька Яўген Міхайлавіч : [бел. пісьменнік, урадж. в. Саськаўка Шклоўс. р-на] / М. Г. Булахаў // Булахаў, М. Г. Беларускія перакладчыкі, даследчыкі, ілюстратары "Слова о плъку Игоревъ" / М. Г. Булахаў. - Мінск, 2012. — С. 87—88. Крупенька Яўген Міхайлавіч : беларускі пісьменнік, ураджэнец Шклоўскага раёна / уклад. Мікола Мінзер // З росных сцяжын. - 2009. - С. 177—180. Гніламёдаў, У. У. У поравень з векам / У. У. Гніламёдаў. – Мінск, 1976. Лойка, А. Паэзія і час / А. Лойка. – Мінск, 1981. – С. 53–54. Мяснікаў, А. Найвялікшае сонца - родная мова : старонкі лёсу паэта Яўгена Міхайлавіча Крупенькі, урадж. в. Саськаўка Шклоўскага раёна / Анатоль Мяснікаў // ЛіМ.- 2008. – 22 жніўня. - С. 14.