Таленты ад роднай зямлi

Пошук персаналiй		Геаграфiчны пошук


Імя на беларускай мове:		Касянкоў Міхаіл Яўхімавіч (Міхась Зарэцкі)
Гады жыцця, месца нараджэння:		(20.11.1901 с. Высокі Гарадзец, Сенненскага павета, Магілёўскай губерні (цяпер Талачынскі раён – 29.10.1937).
Творчая накіраванасць, тэматычны жанр:		Празаік, драматург, кінасцэнарыст, перакладчык, крытык. Прадстаўнік рамантычнага кірунку ў ранняй беларускай савецкай прозе.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Косенков Михаил Ефимович
Псеўданімы:		Зарэцкі Міхась
Творчасць:		Зарэцкі Міхась – празаік, перакладчык, літаратурны крытык, кінасцэнарыст. Нарадзіўся 20 лістапада 1901 г. у сяле Высокі Гарадзец Сенненскага павета Магілёўскай губерні (цяпер Талачынскі раён) у сям’і вясковага дзяка. Неўзабаве яго бацька быў пераведзены на службу ў царкву вёскі Зарэчча Шклоўскага раёна. Менавіта тут рос і мужнеў будучы пісьменнік і потым узяў сабе псеўданім, які паходзіць ад назвы шклоўскага паселішча – Зарэцкі. Дэбютаваў у 1922 г. апавяданнем, якое было надрукавана ў газеце "Савецкая Беларусь". Аўтар зборнікаў апавяданняў "У віры жыцця" (1925), "Пела вясна" (1925), "Пад сонцам" (1926), "На чыгунцы" (1928), "Ракавыя жаронцы" (1930), апавядання "Бацькаў сын" (1932), аповесці "Голы звер" (1926), раманаў "Сцежкі-дарожкі" (1928), "Вязьмо" (1932), кніжак нарысаў "Падарожжа на новую зямлю" (1929), "Лісты ад знаёмага" (1931). Аўтар п’ес "Сымон Карызна" (1935), "Ная" (1936), кінасцэнарыя "Пачатак шчасця". У 1975 г. выдадзены зборнік выбраных апавяданняў "Пачатак шчасця", у 1989-1991 гг. выйшаў Збор твораў у 4 тамах. Многія рукапісы М. Зарэцкага загінулі, у прыватнасці, гістарычная драма "Рагнеда" (1929), працяг рамана "Крывічы". Пераклаў на беларускую мову раман "Цэмент" Ф. Гладкова (1930), "Прыгоды ўдалага ваякі Швейка ў сусветную вайну" Я. Гашака (ч. 1, 1931). Выступаў і як крытык.
Спіс асобна выдадзеных кніг і зборнікаў:		"Пела вясна" (Мінск, 1925) "У віры жыцця" (Мінск, 1925) "Голы звер" (Мінск, 1926) "Пад сонцам" (Мінск, 1926) "42 дакументы і Двое Жвіроўскіх" (Мінск, 1926) "На чыгунцы: Апавяданні" (Мінск, 1928) "Сцежкі-дарожкі" (Мінск, 1928) "Падарожжа на новую зямлю" (Мінск, 1929) "Ракавыя жаронцы" (Мінск, 1930) "Лісты ад знаёмага" (Мінск, 1931) "Бацькаў сын" (Мінск, 1932) "Вязьмо" (Мінск, 1932) "Пачатак шчасця" (Мінск, 1975) "Кветка пажоўклая" (Мінск, 2002) Збор твораў у 4-х тамах (Мінск, 1989-1992)
Звесткі пра публікацыі ў зборніках, перыядычных выданнях:		Аўтар літаратурна-крытычных артыкулаў
Крыніцы інфармацыі:		Белая, А. Вобраз Галілея ў рамане "Вязьмо" Міхася Зарэцкага : [пісьменніка, урадж. Шклоўс. р-на] / Алена Белая // Роднае слова. - 2011. — № 7. — С. 19—23. Борбат, Т. Мастацкая рэпрэзентацыя вобраза "новага" чалавека як правадніка палітыкі калектывізацыі ў творчасці беларускіх празаікаў першай паловы 1930-х гадоў : [на аснове аналізу аповесцяў П. Галавача "Спалох на загонах", К. Чорнага "Вясна", Б. Мікуліча " Чорная Вірня", рамана М. Зарэцкага "Вязьмо"] / Т. І. Борбат, М. І. Чмарава // Актуальныя праблемы філалогіі і методыкі выкладання філалагічных дысцыплін : зборнік навуковых артыкулаў / пад агул. рэд. А. М. Макарэвіча. - Магiлёў, 2015. — С. 47—52. Выскварка, Т. Кадыфікаваныя і некадыфікаваныя прыметнікі — кампазіты Зарэцкага-апавядальніка : [пра творчасць пісьменніка, урадж. Шклоўскага раёна] / Таццяна Выскварка // Полымя. - 2011. — № 5. — С. 122—128. Дасаева, Т.М. На хвалі рэвалюцыйнай рамантыкі : [пра творчы шлях Міхася Зарэцкага, пісьменніка, ураджэнца Шклоўскага раёна] / Т. М. Дасаева // Дасаева, Т. М. Беларуская літаратура XX — пачатку XXI стагоддзя : вучэбны дапаможнік / Т. М. Дасаева. - Мінск, 2016. — С. 40—48. Зарэцкі, М. Кветка пажоўклая ; Ворагі : [апавяданні пісьменніка, ураджэнца Шклоўскага раёна] / Міхась Зарэцкі // Зборнік твораў 1920 - сярэдзіны 1960-х гг. : проза, паэзія. - Мінск, 2013. — 2-е выд. — С. 77—154. Лаўшук, Д. Л. Словы з эмацыянальным значэннем у прозе К. Чорнага і М. Зарэцкага : урадж. в. Зарэчча Шклоўскага раёна / Д. Л. Лаўшук, І. М. Ячмянёва ; Міністэрства адукацыі Рэспублікі Беларусь, МДУ імя А. А. Куляшова // Куляшоўскія чытанні. - 2008. - С. 55--56. Майсеенка, А. Ф. Творчасць Міхася Зарэцкага / А. Ф. Майсеенка. – Мінск, 1978. Слабко, Ю. Грамадскае і асабістае ў апавяданніі "Ворагі" Міхася Зарэцкага / Юлія Слабко // Роднае слова. - 2019. — № 7. — С. 56—59. ББК М 82 Мушынскі, М. І. Нескароны талент : праўдзівая гісторыя жыцця і творчасці Міхася Зарэцкага / М. І. Мушынскі. – Мінск, 1991.