Таленты ад роднай зямлi

Пошук персаналiй		Геаграфiчны пошук


Імя на беларускай мове:		Кананкоў Анатоль Андрэевіч
Гады жыцця, месца нараджэння:		(17.10.1935, в. Новая Слабада, Слаўгарадскі раён, Магілёўская вобласць – 27.05.2006, г.п. Дрыбін, пахаваны на могілках у Дрыбіне).
Творчая накіраванасць, тэматычны жанр:		Паэт.
Звесткі аб званнях, узнагародах:		Пераможца раённага конкурсу "Славяць край свой у песнях і вершах" (1997), лаурэат Рэспубліканскага экалагічнага форума (2002), прызёр Рэспубліканскага конкурсу на лепшую публікацыю на экалагічную тэматыку "Мой родны кут, як ты мне мілы" (2003). У 2006 г. атрымаў падзячны ліст ад Прэзідэнта Рэспублікі Беларусь за творчыя поспехі і дасягненні.

Дадатковая інфармацыя (націсніце для паказу/скрывання)

Імя на рускай мове:		Кононков Анатолий Андреевич
Псеўданімы:
Творчасць:		Анатоль Андрэевіч Кананкоў – паэт. Нарадзіўся на Магілёўшчыне, скончыў будаўнічы тэхнікум, мараходнае вучылішча, працаваў на караблях дальняга плавання. Друкавацца пачаў у армейскай газеце "На баявым пасту". Паэтычныя творы А.А. Кананкова розныя па сваёй тэматыцы. Паэт з аднолькавым майстэрствам і творчай узнёсласцю пісаў вершы на патрыятычную тэматыку, вершы аб роднай прыродзе. І, канешне ж, аб каханні. Як сапраўдны патрыёт сваёй Радзімы, Анатоль Андрэевіч пісаў на роднай беларускай мове, мове бацькоў і прадзедаў. На якую б тэму не былі вершы Анатоля Андрэевіча, іх аб’ядноўвае адно – паэт не фальшывіў, не ішоў супраць свайго сэрца. Яго вершы сагрэты душэўнай цеплынёй, любоўю да людзей, прыроды, да ўсяго жывога. Шмат яго вершаў пакладзены на музыку: "Бацькоўскі край", "Трылесінскі куток", "Рэха жураўлінае" і інш. Анатоль Кананкоў займаў актыўную жыццёвую пазіцыю, супрацоўнічаў з раённымі грамадскімі арганізацыямі, быў частым госцем у сродках масавай інфармацыі. З 1998 па 2006 гг. Анатоль Кананкоў – нязменны старшыня клуба "Вянок Дрыбіншчыны".
Спіс асобна выдадзеных кніг і зборнікаў:		"Гукі Айчыны" (Дрыбін, 1998) у сааўтарстве з А. А. Кананковай: "Мой край чаромхі і бяроз" (Магілёў, 2003) "Мая шчодрая зямля" (Магілёў, 2004) "Сыны Радзімы" (Магілёў, 2004) "Святло нязгасных зорак" (Віцебск, 2006)
Звесткі пра публікацыі ў зборніках, перыядычных выданнях:
Крыніцы інфармацыі:		Гукі Айчыны // ЛіМ. – 1998. – 5 мая. – С. 3. Скачков, К. Встреча за "круглым столом" / К.Скачков // Савецкая вёска. – 1998. – 7 сакавіка. – С. 1. Тетерин, М. И юбилей, и новый сборник / М.Тетерин // Савецкая вёска. – 2006. – 8 красавіка. – С. 6. Засталіся яго паэзія і дабрыня // Савецкая вёска. – 2006. – 31 мая. – С. 4.