Таленты ад роднай зямлi

Пошук персаналiй		Геаграфiчны пошук


Імя на беларускай мове:		Бутрамееў Уладзімір Пятровіч
Гады жыцця, месца нараджэння:		(20.03.1953, в. Расна, Дрыбінскі раён, Магілёўская вобласць).
Творчая накіраванасць, тэматычны жанр:		Празаік, драматург.
Звесткі аб званнях, узнагародах:		Член СП СССР (1987). Лаўрэат гісторыка-літаратурнай прэміі "Клио" за 2015 год. Многія кнігі, падрыхтаваныя У.П.Бутрамеевым былі ўдастоены прэміі "Кніга года" Рускага біяграфічнага інстытута, Расійскай дзяржаўнай бібліятэкі і "Літаратурнай газеты", у тым ліку серыя энцыклапедыі: "Дзіцячы Плютарх. Сусветная гісторыя ў асобах". Кніга "Амар Хайям і персідскія паэты X-XVI стагоддзяў" адзначана дыпломам ЮНЕСКА "Лепшае выданне, якое ўносіць значны ўклад у дыялог культур".

Дадатковая інфармацыя (націсніце для паказу/скрывання)

Імя на рускай мове:		Бутромеев Владимир Петрович
Псеўданімы:
Творчасць:		Бутрамееў Уладзімір Пятровіч – празаік, драматург, перакладчык, літаратуразнаўца. Працаваў на Слонімскай папяровай фабрыцы, настаўнікам у вячэрняй школе, у Слонімскім прафесійна-аматарскім тэатры. У 1985 г. па рэкамендацыі кінастудыі «Беларусьфільм» паступіў на сцэнарнае аддзяленне Вышэйшых двухгадовых курсаў сцэнарыстаў і рэжысёраў у Маскве, якое скончыў у 1987 г., атрымаўшы спецыяльнасць кінадраматурга мастацкага фільма. Вучыўся ў Маскве на Вышэйшых літаратурных курсах (1989-1991 гг.). З 1991 г. працаваў на Беларускім тэлебачанні. Член Саюза пісьменнікаў СССР з 1987 г. Першыя апавяданні друкаваліся ў горацкай раённай газеце «Ленінскі шлях», піянерскіх газетах. У рэспубліканскім друку пачаў выступаць з 1982 г. Уладзімір Бутрамееў пачынаў пісаць на рускай мове, у час усплёску адраджэнскай хвалі паверыў у беларускую ідэю і як аўтар беларускіх твораў зацікавіў грамадскасць. Творчасці характэрны ўплыў беларускай і рускай класікі. Пісьменнік у сваіх творах адлюстроўвае сельскі побыт, жыццё школы, узаемаадносіны настаўнікаў і вясковых працаўнікоў. Шмат што ў яго творах мела сваім вытокам беларускі фальклор. Пра гэта добра сведчыць назва яго аповесці «Дзе свята, там і я, або Казка-байка пра тое, як жыў, па свеце цягаўся, памёр і жывы застаўся лоўкі мужык Несцерка». Уладзіміру Бутрамееву ў асаблівай ступені ўласцівы гістарызм светаўспрымання. Гэтая асаблівасць творчасці выразна выявілася ў рамане «Карона Вялікага Княства» (1999). Аўтар кніг на рускай мове, якія выдаваліся ў Маскве: «Любить и верить» (1986), «Сдвиженье» (1990), аповесці «Где праздник, там и я, или Сказка-басня о том, как жил, по свету бродил, умер и живым остался ловкий мужик Нестерка». П’еса «Ізноў Несцерка» (1986) створана паводле фальклорных крыніц. П’еса «Страсці па Аўдзею» (другая назва – «Крык на хутары», 1989), напісаная па адной з частак рамана «Зямля і людзі», у пастаноўцы Беларускага акадэмічнага тэатра ўвайшла ў лік класічных твораў беларускай драматургіі, у 1991 годзе была вылучана на Дзяржаўную прэмію СССР. У Беларускім акадэмічным тэатры была пастаўлена і частка трылогіі Уладзіміра Бутрамеева «Театр Достоевского» («Один судный день из жизни братьев Карамазовых», «Преступления бесов и наказание идиотов» и «Вечный Фома»). Апошняе дзесяцігоддзе ён паспяхова займаецца кніжным бізнесам у Маскве і піша на рускай мове. Раман-містыфікацыя «Корона Великого княжества» ў 1999 годзе атрымаў прэмію часопіса «Дружба народов» як лепшая публікацыя года і ўвайшоў у шорт-ліст прэміі «Русский Букер». Уладзімір Бутрамееў – лаўрэат гісторыка-літаратурнай прэміі «Клио» за 2015 год. Першая частка трылогіі «В призраках утраченных зеркал» раман «Земля и люди» увайшоў у лонг-ліст прэміі «Ясная Поляна» і шорт-ліст прэміі «Золотой Дельвиг». У рамане «Жизнь людей» аўтар, працягваючы традыцыі прозы Гогаля і Андрэя Платонава, пераасэнсаваць прароцтва і прадбачання Талстога і Дастаеўскага, стварае эпічны твор, у якім, як у фантастычным люстэрку, адбілася лёс Расіі XX стагоддзя. Многія кнігі, падрыхтаваныя У. П. Бутрамеевым былі ўдастоены прэміі «Книга года» Рускага біяграфічнага інстытута, Расійскай дзяржаўнай бібліятэкі і «Літаратурнай газеты», у тым ліку серыя энцыклапедыі: «Детский Плутарх. Всемирная история в людях». Кніга «Омар Хайям и персидские поэты X-XVI ст.» адзначана дыпломам ЮНЕСКА «Лепшае выданне, якое ўносіць значны ўклад у дыялог культур». У. П. Бутрамееў не толькі таленавіты празаік, але і ўкладальнік, рэдактар і аўтар, яго кнігі выходзяць у такіх серыях як: «Подарочное издание. Великая Россия», «Подарочное издание. Сокровища мировой литературы», «Подарочное издание. Шедевры живописи», «Подарочные издания. Классика в иллюстрациях», «Подарочные издания. Мудрость тысячелетий», «Подарочные издания. Религии мира» и многие другие.
Спіс асобна выдадзеных кніг і зборнікаў:		Млечный путь; Старый учитель; Ваня: Рассказы (1982) П’еса "Ізноў Несцерка" (1986) "Любить и верить" (1986) "Дни этого года" (1986) "Кахаць і верыць" (1986) "Зрушэнне" (1989) "Страсці па Аўдзею" (1989) "Сдвиженье" (1990) "Где праздник, там и я, или Сказка-басня о том, как жил, по свету бродил, умер и живым остался ловкий мужик Нестерка" (1990) "Задарожжа" (1993) "Вялікія і славутыя людзі беларускай зямлі" (1995) "Детский плутарх. Великие и знаменитые" (1995) "Вялікія і славутыя старажытнага свету"(1995) "Вечны Фама" (1998), "Карона Вялікага Княства"(1999). "Чужыя грошы" (2001) "Библия. 2000 лет в мировом изобразительном искусстве" (2004) "Символ власти"(2006) Большая иллюстрированная энциклопедия "Русскiй мiр&quo…(2008) "Мифы и легенды древних славян" (2009) "Верования и предания русского народа" (2010) "Детский плутарх. Великие и знаменитые. Россия. Средние века" (2011) "Детский плутарх. Великие и знаменитые. Новое время" (2011) "Детский плутарх. Великие и знаменитые. Эпоха Возрождения" (2011) "Русский травник" (2011) "Афоризмы успеха и богатства" (2012) "Детский плутарх. Великие и знаменитые. Эпоха "Просвещения" (2012) "Великая Россия" (2012) "Афоризмы успеха и богатства" (2012) "Детский плутарх. Великие и знаменитые. Золотой век России" (2012) "Детский плутарх. Великие и знаменитые. Российская империя" (2012) "Русская еда" (2012) "Великие русские полководцы" (2013) "Первые шедевры русской живописи" (2013) "Мифы и легенды Древней Греции" (2013) "Россия державная" (подарочное издание) (2013) "Мифы и легенды древних славян" (2014) "Российская империя" (2014) "Эпоха становления русской живописи" (2014) "Древо бытия Омара Хайяма. История жизни. Классические переводы рубайят"(2015) "Земля и люди" (2016) "Исчисление времени. Роман-исток" (2016) "Россия державная" (2016) "Жизнь людей" (2017) "Великая Россия" (2018) "История России для детей" (2019) "Веселые небылицы и забавные рассказы матушки Гусыни о чудаковатых джентльменах, странных леди" (2019) "Древо бытия Омара Хайяма. Афоризмы и изречения" (2019) "Древо бытия Омара Хайяма. История жизни. Рубайят" (2020)
Звесткі пра публікацыі ў зборніках, перыядычных выданнях:		Бутромеев, В. П. Млечный путь; Старый учитель; Ваня : рассказы // Сельская молодёжь. – 1982. – № 7. Бутромеев, В. П. Жаворонок : рассказ // Гродненская правда. – 1984. – 7 апреля. Бутромеев, В. П. Нестерка и бургомистр : (отрывок из повести) // Крокодил. – 1984. – № 22. Бутромеев, В. П. Четыре времени года // Нёман. – 1984. – № 12. Бутромеев, В. П. Порог родного дома / В. П. Бутромеев // Неделя. – 1985. – № 25. Бутрамееў, У. П. Верыць, помніць, захоўваць / В. П Бутромеев // Літаратура і Мастацтва. – 1985. – 14 жніўня.
Крыніцы інфармацыі:		Беларускія пісьменнікі : бібліяграфічны слоўнік. У 6 Т. Т. 1 / Інстытут літаратуры імя Я. Купалы АН Рэспублікі Беларусь ; рэд. І. Э. Багдановіч і інш. – Мінск : Беларуская Энцыклапедыя, 1992. – 542 с. Верціхоўская, М. І. "Заслугоўвае рэквіема" : [актуальнасць маральна-этычных і філасофскіх праблем у драме "Страсці па Аўдзею" Уладзіміра Бутрамеева, урадж. в. Расна Дрыбінскага р-на] / М. І. Верціхоўская // Верціхоўская, М. І. Вывучэнне сучаснай беларускай драматургіі. 11 клас : дапам. для настаўнікаў устаноў агул. сярэд. адукацыі з беларус. і рус. мовамі навучання / М. І. Верціхоўская. – Мінск, 2013. – С. 121–137. Гарэлік, Л. Бутрамееў Уладзімір Пятровіч : [беларускі і рускі пісьменнік, кнігавыдавец-энцыклапедыст, ураджэнец в. Расна Горацкага раёна Магілёўскай вобласці па іншых звестках хутар Вуеўскі каля Мсціслава ] / Любоў Гарэлік // Сузор’е беларускага памежжа : беларусы і народжанныя ў Беларусі ў суседніх краінах : энцыклапедычны даведнік / старшыня рэд. калегіі А. Мальдзіс. – Мінск, 2014. – С. 71: фота. Жукоўская, Н. С. Вобраз Рагнеды ў творы У. Бутрамеева "Славутая дачка Полацкай зямлі" / Н. С. Жукоўская // Беларуская мова і літаратура. – 2013. – №3. – С. 3–11. Маляўка, П. Адметнасці характару Аўдзея ў драме "Крык на хутары" Уладзіміра Бутрамеева / П. Маляўка // Роднае слова. – 2004. – № 4. – С. 27–30. Руцкая, А. В. Дом з мезанінам : слонімская старонка біяграфіі Уладзіміра Бутрамеева / Алена Руцкая // Літаратура і мастацтва. – 2018. – 21 снежня. – С. 5.