Таленты ад роднай зямлi

Пошук персаналiй		Геаграфiчны пошук


Імя на беларускай мове:		Лоцманаў Сяргей Іванавіч
Гады жыцця, месца нараджэння:		(4.05.1970, в. Леніна, Горацкі раён, Магілёўская вобласць – 15.09.2012, в. Леніна, пахаваны ў в. Леніна).
Творчая накіраванасць, тэматычны жанр:		Паэт.
Звесткі аб званнях, узнагародах:		Лаўрэат абласнога конкурсу памяці К. Сіманава (2011).

Дадатковая інфармацыя (націсніце для паказу/скрывання)

Імя на рускай мове:		Лоцманов Сергей Иванович
Псеўданімы:
Творчасць:		Лоцманаў Сяргей Іванавіч нарадзіўся ў в. Леніна Горацкага раёна, выкладчык гісторыі Ленінскай сярэдняй школы, паэт, член народнага літаратурнага аб’яднання "Роднае слова" пры Горацкім гісторыка-этнаграфічным музеі. Скончыў Магілёўскі педагагічны інстытут у 1993 г. У 1993-1997 гг. працаваў настаўнікам гісторыі Копцеўскай СШ Горацкага раёна, Андраноўскай СШ Мсціслаўскага раёна, у 1997-1998 гг. настаўнікам гісторыі ў гімназіі № 1 г. Горкі. З 1998 г. працаваў настаўнікам гісторыі ў Ленінскай сярэдняй школе. У 2009 г. на конкурсе прафесійнага майстэрства быў прызнаны "Настаўнікам года-2009". З сямнаццаці гадоў Сяргей Лоцманаў пачаў пісаць вершы, некаторыя з іх з’яўляліся ў перыядычным друку. У 1998 г. у Горках выйшла першая кніга паэта "Истоки", у 2000 г. другая – "Песня души". Лірыка Сяргея Лоцманава тэматычна разнапланавая: існасць чалавека, яго прызначэнне ў жыцці, каханне да жанчыны, але ж галоўнае, пра што спявае яго душа – гэта прырода, любоў да радзімы. Кожны верш паэта – гімн роднай зямлі, мясцінам, дзе ён нарадзіўся і жыве. У кожным радку гучыць трапяткая любоў да таго, што акружае паэта: духмяны бэз і бярозавы гай, узоранае поле і пунсовы захад сонца. Гэтыя вершы насычаны лірызмам, цеплынёй, прасякнуты аптымізмам і верай ў наступны дзень, душэўнасцю і напеўнасцю. Аўтар песні "Побег из города".
Спіс асобна выдадзеных кніг і зборнікаў:		"Истоки" (Горки, 1999) "Песня души" (Горки, 2000)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Горацкi веснiк (Горкі). – 2011. – 14 снежня. – С. 2. Горацкi веснiк (Горкі). – 2013. – 3 красавіка. – С. 4. Ленінскі шлях (Горкі). – 1999. – 30 красавіка. Ленінскі шлях (Горкі). – 2000. – 30 верасня. Ленінскі шлях (Горкі). – 2005. – 24 жніўня. Ленiнскi шлях (Горкі). – 2009. – 18 лютага. – С. 1. Літаратура і мастацтва. – 2001. – 16 лютага. Ліўшыц, У. Раскопкі вакол Горацкага "Парнаса" / Уладзімір Ліўшыц. – Горкі : Аддзел культуры Горацкага райвыканкама, 2001. – С. 226–228. Могилёвская правда. – 2000. – 20 октября. УзГорак. – 2013. – 14 сакавіка. – С. 3. Чырвоная змена. – 2001. – 29 мая.