Таленты ад роднай зямлi

Пошук персаналiй		Геаграфiчны пошук


Імя на беларускай мове:		Шчарбатаў Георгій Міхайлавіч
Гады жыцця, месца нараджэння:		(07.05.1919, в. Рэкатка, Горацкі раён, Магілёўская вобласць – 02.02.1957, Мінск, пахаваны на Усходніх могілках).
Творчая накіраванасць, тэматычны жанр:		Пісьменнік, журналіст, перакладчык, крытык.
Звесткі аб званнях, узнагародах:		Член Саюза пісьменнікаў Беларусі (1949). Узнагароджаны ордэнам Чырвонага сцяга, медалямі.

Дадатковая інфармацыя (націсніце для паказу/скрывання)

Імя на рускай мове:		Щербатов Георгий Михайлович
Псеўданімы:		Юрка Ш.
Творчасць:		Шчарбатаў Георгій Міхайлавіч – пісьменнік, журналіст, удзельнік Вялікай Айчыннай вайны. Нарадзіўся ў вёсцы Рэкатка Горацкага раёна Магілёўскай вобласці. У 1936 г. паступіў у Магілёўскае педвучылішча. Тут ён упершыню паспрабаваў свае творчыя сілы. Гэта былі пераважна невялікія гумарэскі з сялянскага і студэнцкага жыцця. Скончыўшы вучылішча (1938), ён працаваў настаўнікам у Бярэзінскім раёне, завочна вучыўся ў Магілёўскім педагагічным інстытуце. Першае журналісцкае "хрышчэнне" атрымаў у рэдакцыі газеты абласной газеты "Камунар Магілёўшчыны", у якой працаваў у 1939-1940 гг. У 1940 г. стаў супрацоўнікам рэспубліканскай газеты "Советская Белоруссия". У 1942 г. карэспандэнтам газеты "Савецкая Беларусь" быў накіраваны ў тыл ворага. У 1943-1944 гг. працаваў у рэдакцыі газеты "Звязда", якая выдавалася падпольна на акупаванай тэрыторыі, узначальваў партызанскую агітбрыгаду. Пасля вайны працаваў у газеце "Звязда", карэспандэнтам газеты "Известия" па Беларусі, загадчыкам аддзела, намеснікам галоўнага рэдактара часопіса "Маладосць". Друкавацца пачаў з 1938 г. Першае апавяданне "Жонка камандзіра" было надрукавана ў дзясятым нумары часопіса "Полымя рэвалюцыі". Друкуе аповесці, нарысы, успаміны, рэцэнзіі, нататкі і карэспандэнцыі ў газетах "Звязда", "Чырвоная змена", "Настаўніцкая газета", "Літаратура і мастацтва", "Советская Белоруссия", часопісах "Полымя", "Беларусь", "Работніца і сялянка", "Маладосць". У асноўным пісаў пра партызанскі рух у гады Вялікай Айчыннай вайны, пра аднаўленне гарадоў і вёсак, будаўніцтва новых прадпрыемстваў у Беларусі. Тэме Вялікай Айчыннай вайны Г. Шчарбатаў прысвяціў кнігі "Партызанскія агні" (1950), "Неспакойныя сэрцы" (1951), "Шумелі пушчы" (1957), "Лясны фронт" (1961). У яго перакладзе на беларускую мову выйшла кніга Ю. Фучыка "Слова перад пакараннем смерцю" (1953). Узнагароджаны ордэнам Чырвонага Сцяга і медалямі.
Спіс асобна выдадзеных кніг і зборнікаў:		"Комсомол Белоруссии в боях за Родину" (Минск, 1949) "Партызанскія агні" (Мінск, 1950) "Неспакойныя сэрцы" (Мінск, 1951) "Шумелі пушчы" (Мінск, 1957) "Лясны фронт" (Мінск, 1961)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Беларуская ССР : кароткая энцыклапедыя : у 5 т. – Мінск, 1981. – Т. 5 – С. 675. Беларуская энцыклапедыя : у 18 т. – Мінск, 2003. – Т. 17 – С. 496. Беларускія пісьменнікі : у 6 т. – Мінск, 1995. – Т. 6 – С. 410–412. Звязда. – 1999. – 7 мая. Ішла вайна народная… : беларускія пісьменнікі ў Вялікай Айчыннай. – Мінск, 1991. – С. 774–777. Ленінскі шлях (Горкі). – 2000. – 20 мая. Ленінскі шлях (Горкі). – 2004. – 30 крас. – С. 2. Ленінскі шлях (Горкі). – 2009. – 2 ліп. – С. 4. Ліўшыц, У. Раскопкі вакол горацкага Парнаса / У. Ліўшыц. – Горкі, 2001. – С. 154–160. Маладосць. – 2009. – № 4. – С. 112–115. Памяць : гістарычна-дакументальная хроніка Горацкага раёна. – Мінск, 1996. – С. 559–560. Пісьменнікі Савецкай Беларусі. – Мінск, 1981. – С. 380–381. Полымя. – 2009. – № 5. – С. 205. Энцыклапедыя літаратуры і мастацтва Беларусі : у 5 т. – Мінск, 1987. – Т. 5. – С. 598.