Таленты ад роднай зямлi

Пошук персаналiй		Геаграфiчны пошук


Імя на беларускай мове:		Уласенка Міхаіл Аляксандравіч
Гады жыцця, месца нараджэння:		(10.02.1937, в. Юшкавічы, Мсціслаўскі раён, Магілёўская вобласць).
Творчая накіраванасць, тэматычны жанр:		Паэт, журналіст.
Звесткі аб званнях, узнагародах:		Член Беларускага саюза журналістаў (1965), Саюза пісьменнікаў Беларусі (2006), пераможца конкурсу імя Міхаіла Гарадзецкага на лепшую публікацыю ў перыядычным друку за 2010 г.

Дадатковая інфармацыя (націсніце для паказу/скрывання)

Імя на рускай мове:		Власенко Михаил Александрович
Псеўданімы:
Творчасць:		Уласенка Міхаіл Аляксандравіч нарадзіўся ў в. Юшкавічы Мсціслаўскага раёна Магілёўскай вобласці. Скончыў аддзяленне журналістыкі Вышэйшай партыйнай школы пры ЦК КПСС. Працаваў карэспандэнтам Крычаўскай раённай газеты, галоўным рэдактарам Магілёўскага абласнога камітэта па тэлебачанні і радыёвяшчанні, галоўным рэдактарам раённай газеты "Ленінскі шлях", уласным карэспандэнтам "Магілёўскай праўды". У цяперашні час – уласны карэспандэнт газеты "Зямля і людзі". Член Беларускага саюза журналістаў (1965) і Саюза пісьменнікаў Беларусі (2006). Член народнага аматарскага літаратурнага аб’яднання "Роднае слова" пры ДУК "Горацкі раённы гісторыка-этнаграфічны музей". Друкуецца ў раённых газетах, газеце "Літаратура і мастацтва", часопісе "Вожык", у літаратурных зборніках "Гоман", "Прыдняпроўе", "Над родным краем жураўлі" і інш. У 2005 г. выйшаў яго першы зборнік гумарыстычных вершаў "Мелочи жизни". У 2010 г. свет убачыў другі зборнік гумару і сатыры – "Базар житейской суеты". Сатырычна-гумарыстычныя мініяцюры Міхаіла Уласенкі ззяюць нібы брыльянты, сабраныя з дробязяў нашага жыцця. Акрамя мініяцюр М. Уласенка піша сатырычныя вершы, паэмы, апавяданні, нарысы на беларускай і рускай мовах. Пераможца літаратурнага конкурса імя Міхаіла Гарадзецкага на лепшую публікацыю ў перыядычным друку за 2010 г.
Спіс асобна выдадзеных кніг і зборнікаў:		"Мелочи жизни" (Могилев, 2005) "Базар житейской суеты" (Могилев, 2010) "Вершаплёт" (Минск, 2016) "Маскарад перабудовы"(Мінск, 2020)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Горацкi веснiк (Горкі). – 2012. – 22 лютага. – С. 3. Горацкі веснік. – 2016. – 4 мая. – С. 3. Зямля і людзі. – 2005. – 2 лістапада. – С. 15. Зямля і людзі. – 2010. – 31 сакавіка. – С. 14. Зямля i людзi. – 2012. – 15 лютага. – С. 13. Зямля і людзі. – 2016. – 12 мая. – С. 9. Ленінскі шлях (Горкі). – 2005. – 23 лістапада. Ленінскі шлях (Горкі). – 2007. – 10 лютага. – C. 7. Ленінскі шлях (Горкі). – 2007. – 14 лютага. Ленінскі шлях (Горкі). – 2007. – 4 красавіка. – С. 13. Літаратура і мастацтва. – 2006. – 1 снежня. – С. 3. Літаратура і мастацтва. – 2009. – 5 чэрвеня. – С. 5. Магілёўскія ведамасці. – 2005. – 10 снежня. Магiлёўскiя ведамасцi. – 2012. – 21 лютага. – С. 11. Региональные ведомости (Горки). – 2007. – 14 февраля. – C. 5. С Горками и академией связаны судьбой : (события, люди и дела) : заметки краеведа / В. М. Лившиц. – Горки : БГСХА, 2013. – С. 147–152. УзГорак. – 2012. – 16 лют. – С. 1.