Таленты ад роднай зямлi

Пошук персаналiй		Геаграфiчны пошук


Імя на беларускай мове:		Сілін Уладзімір Мікалаевіч
Гады жыцця, месца нараджэння:		(??.??.1951, в. Сахараўка, Горацкі раён, Магілёўская вобласць).
Творчая накіраванасць, тэматычны жанр:		Паэт.
Звесткі аб званнях, узнагародах:		Узнагароджаны ордэнам "За службу Радзіме ва Узброеных Сілах СССР" 3-й ступені.

Дадатковая інфармацыя (націсніце для паказу/скрывання)

Імя на рускай мове:		Силин Владимир Николаевич
Псеўданімы:
Творчасць:		Сілін Уладзімір Мікалаевіч нарадзіўся ў в. Сахараўка Горацкага раёна, палкоўнік, Ганаровы радыст Расіі, паэт. Скончыў Мінскі радыётэхнічны інстытут (1973), Ваенную акадэмію сувязі (1984, г. Ленінград). У цяперашні час жыве ў Магілёве. Аўтар зборніка вершаў "Сібірскі далягляд" (2008). Уладзімір Сілін піша на дзвюх мовах – беларускай і рускай і таму лірычны герой праяўляе сябе па-рознаму, у залежнасці ад таго, на якой мове ён гаворыць. У беларускіх вершах Уладзімір Сілін, пражыўшы доўгія гады ўдалечыні ад родных мясцін, аддае даніну традыцыям: апявае, і вельмі кранальна, сваю радзіму. Беларусь для яго – гэта жыццё, сэрца маці, лес, рэчка. Непасрэднасць пачуццяў, добрая ўсмешка, стрыманая туга адчуваюцца ў вершах аўтара. Уладзімір Сілін глядзіць на Радзіму здалёку – з Сібіры, паверх Уральскіх гор і таму зборнік так і называецца "Сібірскі далягляд". Уладзімір Сілін – чалавек ваенны, і,вядома, ён не абыходзіць тэму вайны, перажываючы гэту бяду праз памяць родных і блізкіх. У вершах аўтара прасочваюцца і народныя матывы. Свае вершы аўтар друкаваў і ў калектыўным зборніку "Мая Радзіма", які выйшаў у Новасібірску, а таксама выступаў з публікацыямі ў альманаху "Мир наций".
Спіс асобна выдадзеных кніг і зборнікаў:		"Сібірскі далягляд" (Новасібірск, 2008) "Не померкнет их подвиг" (Минск, 2015) "Сахаровка. Деревня моя от времен изначальных" (Кн. 1. 2019) "Сахаровка. От лет военных… : Кн. 2" (Мінск, 2022)
Звесткі пра публікацыі ў зборніках, перыядычных выданнях:
Крыніцы інфармацыі:		Горацкі веснік. – 2015. – 2 ліпеня. – С. 3. Киммель, О. Разыскал воевавших земляков : [про книгу Владимира Силина "Не померкнет их подвиг", уроженца д. Сахаровка Горецкого района, проживает в Могилеве] / Ольга Киммель // Горацкі веснік. - 2015. — 2 ліпеня. — С. 3. Ліўшыц, У. М. Раскопкі вакол Горацкага “Парнаса” : у 3-х кн. : літаратуразнаўчыя нарысы / Уладзімір Ліўшыц . — Горкі, 2019. — Кніга 2 : Працавалі ў акадэміі. Родам з Горацкага краю. — С. 211-215. Мая Радзіма : сборник стихотворений / вступ. статья В. Бурова. – Новосибирск : Издательский дом "Манускрипт", 2004. – С. 29–39.