Таленты ад роднай зямлi

Пошук персаналiй		Геаграфiчны пошук


Імя на беларускай мове:		Ніканчук Наталля Валянцінаўна (Родная Лія)
Гады жыцця, месца нараджэння:		(05.10.1967, в. Мервіны, Клецкі раён, Мінская вобласць).
Творчая накіраванасць, тэматычны жанр:		Паэтэса.
Звесткі аб званнях, узнагародах:		Лаўрэат Міжнароднага літаратурнага конкурсу памяці Канстанціна Сіманава (2015), абласнога літаратурнага конкурсу "Скарынавай душой узлашчанае слова" (2017). Член Саюза пісьменнікаў Беларусі(2018). Лаўрэат І Рэспубліканскага конкурсу творчых пісьмовых работ "За што я люблю родную зямлю" (2021. Дыплом ІІ ступені ў намінацыі "Магутная сіла паэзіі"). Узнагароджана Ганаровай граматай Галоўнага ўпраўлення ідэалагічнай работы і па справах моладзі Магілёўскага аблвыканкама (2021).

Дадатковая інфармацыя (націсніце для паказу/скрывання)

Імя на рускай мове:		Никончук Наталья Валентиновна
Псеўданімы:		Лія Родная Хмялеўская Наталля
Творчасць:		Ніканчук Наталля Валянцінаўна нарадзілася ў вёсцы Мервіны Клецкага раёна Мінскай вобласці. У 1989 г. скончыла Беларускую сельскагаспадарчую акадэмію. Была навуковым супрацоўнікам БСГА. Працавала ў Круглянскім райвыканкаме, у інспекцыі па падатках і зборах Горацкага раёна. Член народнага аматарскага літаратурнага аб’яднання "Роднае слова" пры ДУК "Горацкі раённы гісторыка-этнаграфічны музей". Першыя творы былі надрукаваны ў калектыўным зборніку вершаў і апавяданняў "Друцкія зараніцы" ў 1996 г. (г.п. Круглае). Затым яе творы неаднаразова з’яўляліся на старонках рэспубліканскіх выданняў: у часопісах "Першацвет", "Маладосць", у штотыднёвіку "Літаратура і мастацтва". У 1997 г. з вершам "Балада пра Магілёў" заняла другое месца ў конкурсе, прысвечаным 730-годдзю г. Магілёва. У 1999 г. заняла першае месца і стала пераможцай абласнога конкурсу маладых літаратараў, журналістаў і сцэнарыстаў са зборнікам вершаў "Я не зайздрошчу, я проста жыву...". У 2011 г. выйшаў яе першы зборнік вершаў "Любоў – крылатая істота", у якім змешчаны вершы пераважна лірыка-філасофскай накіраванасці. Яе гераіня шукае адказы на адвечныя пытанні, яна непакоіцца і кахае, спадзяецца і верыць. Праз многія вершы зборніка праходзіць тэма духоўнасці, роднай мовы. Лія Родная звяртаецца і да прозы. У 1988 г. часопіс "Першацвет" надрукаваў яе апавяданне "Пятля Арыёна". Затым яно стала пачаткам фантастычнай аповесці "Іаланта". Сюжэтнай асновай паслужыла тэма кахання і ўзаемаадносін у экстрэмальных умовах галоўных герояў – Іаланты і Рычарда. У творчых планах Ліі Роднай – выдаць як мінімум яшчэ дзве кнігі. Адну з іх для дзяцей пад назвай "Дэльфінчык Агу" і другую – зборнік апавяданняў і аповесцей.
Спіс асобна выдадзеных кніг і зборнікаў:		"Любоў – крылатая істота" (Горкі, 2008) "Иоланта" (Минск, 2011) "…Кранаючы неба рукамі" (Мінск, 2018) "Дэльфінчык Агу" (Мінск, 2022)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Горацкi веснiк (Горкі). – 2012. – 13 кастрычніка. – С. 2. Горацкi веснiк (Горкі). – 2011. – 14 мая. – С. 2. Горацкі веснік. – 2015. – 19 снежня. – С. 4. Ксяндзоў, С. "Залаты" юбілей пісьменніцы / Сяргей Ксяндзоў, Людміла Дзеружкова // Зямля і людзі. - 2017. — 13 снежня. — С. 11. Ксянзоў, С. "Пісаць вершы сёння нявыгадна" / Сяргей Ксянзоў // УзГорак. - 2017. — 12 кастрычніка. — С. 4. Наталля Ніканчук : [пра пісьменніцу з Горак] // Магілёўскія ведамасці. - 2017. — 29 жніўня. — С. 14. Плавінская, В. "Прагну роднага слова" / Валерыя Плавінская // Горацкі веснік. - 2017. — 14 кастрычніка. — С. 7. Полубинская, Н. Апошнія грошы : апавяданне / Наталля Ніканчук // Магілёўскія ведамасці. - 2017. — 29 жніўня. — С. 14. Региональные ведомости (Горки). – 2008. – 5 ноября. – С. 1–2.