Таленты ад роднай зямлi

Пошук персаналiй		Геаграфiчны пошук


Імя на беларускай мове:		Сіліверстава-Мажугіна Валянціна Паўлаўна
Гады жыцця, месца нараджэння:		(28.05. 1950, в. Шышава, Горацкі раён, Магілёўская вобласць).
Творчая накіраванасць, тэматычны жанр:		Паэтэса.
Звесткі аб званнях, узнагародах:		Лаўрэат Міжнароднага фестывалю творчасці інвалідаў "Віцебск-2013", рэспубліканскіх і абласных літаратурных конкурсаў.

Дадатковая інфармацыя (націсніце для паказу/скрывання)

Імя на рускай мове:		Мажугина Валентина Павловна
Псеўданімы:
Творчасць:		Мажугіна Валянціна Паўлаўна нарадзілася ў 1950 г. у вёсцы Шышава Горацкага раёна Магілёўскай вобласці. У 1969 г. закончыла драматычнае аддзяленне Рэспубліканскіх курсаў павышэння кваліфікацыі пры Міністэрстве культуры БССР. З 1970 па 1973 г. вучылася на філалагічным факультэце Беларускага дзяржаўнага ўніверсітэта. Працавала піянерважатай, настаўніцай беларускай і рускай мовы і літаратуры, метадыстам-экскурсаводам у г. Горкі. Член народнага аматарскага літаратурнага аб’яднання "Роднае слова" пры ДУК "Горацкі раённы гісторыка-этнаграфічны музей". У 1970 г. на старонках газеты "Ленінскі шлях" з’явіліся яе першыя вершы. Друкавалася ў калектыўных зборніках "Горацкія крыніцы", "Блики памяти", "Радуга над храмом", "Над родным краем жураўлі", "На крылах натхнення". "У салаўіных далях" (2007) – першы лірычны зборнік Валянціны Мажугінай, які прынёс аўтару прызнанне чытача. Вершы Валянціны Мажугінай кранаюць замілаванасцю да кутка дзяцінства – вёсачкі Шышава, дзе яна нарадзілася, і які паслужыў назвай паэтычнаму зборніку. У зборнік увайшлі вершы на беларускай і рускай мовах пераважна лірыка-патрыятычнай накіраванасці. Другі зборнік вершаў "Душа моя" (2012) з’яўляецца не проста працягам першага. Ён значна пашырае тэматычны дыяпазон, служыць сваеасаблівым барометрам яе творчага росту. Лірыка Валянціны Мажугінай напоўнена эмацыянальнай шчырасцю і дабрынёй да чалавека, Радзімы, роднай прыроды. Асаблівае месца ў яе творчасці займаюць вершы на духоўную тэматыку. Некаторыя вершы Валянціны Мажугінай пакладзены на музыку.
Спіс асобна выдадзеных кніг і зборнікаў:		"У салаўіных далях" (Горкі, 2007) "Душа моя" (Минск, 2012) "Жыццёвы карабель" (Узда, 2015) "Откровение" (Узда, 2015) "У абдымках надзеі" (Горкі, 2020)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Горацкi веснiк (Горкі). – 2013. – 19 студзеня. – С. 4. Горацкі веснік. – 2015. – 21 лістапада. – С. 4. Горацкі веснік. – 2016. – 10 лістапада. – С. 3. Ленінскі шлях (Горкі). – 2005. – 28 мая. – С. 2. Ленінскі шлях (Горкі). – 2007. – 14 красавіка. – С. 7. Ленінскі шлях (Горкі). – 2007. – 25 мая. Региональные ведомости (Горки). – 2007. – 19 апреля. – С. 5. Региональные ведомости (Горки). – 2013. – 16 января. – С. 3.