Таленты ад роднай зямлi

Пошук персаналiй		Геаграфiчны пошук


Імя на беларускай мове:		Грушына Ларыса Віктараўна
Гады жыцця, месца нараджэння:		(18.09.1953, г. Горкі, Магілёўская вобласць).
Творчая накіраванасць, тэматычны жанр:		Паэтэса.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Грушина Лариса Викторовна
Псеўданімы:
Творчасць:		Грушына Ларыса Віктараўна нарадзілася ў горадзе Горкі. У 1976 г. скончыла БДСГА. Больш за 20 год яна адпрацавала ў інспекцыі Міністэрства па падатках і зборах Рэспублікі Беларусь па Горацкаму раёну, прайшоўшы шлях ад радавога інспектара да начальніка аддзела і намесніка начальніка ўстановы. Член народнага аматарскага літаратурнага аб’яднання "Роднае слова" пры ДУК "Горацкі раённы гісторыка-этнаграфічны музей". Творчы характар Ларысы Віктараўны ў поўнай меры адлюстраваўся ў яе паэзіі. У 2009 г. выйшаў першы зборнік паэзіі "Когда душа грустит", куды ўвайшлі вершы, напісаныя на працягу пяці гадоў. Свае вершы Ларыса Грушына называе "мыслями вслух". Яны прадстаўляюць сабой адкрыты дыялог аўтара з роднымі і блізкімі людзьмі, шчыры аповед пра ўбачанае, аднойчы перажытае. Аб гэтым сведчаць назвы раздзелаў зборніка: "Ты не жалей для близкого тепла", "Из нечастых встреч и их ожидания наша жизнь с тобой состоит" і інш. У зборніку апісаны таксама яркія пачуцці да блізкага чалавека: чаканне любові, стомленасць ад адзіноты, сустрэчы і прызнанні, адмову і разрыў. Любоўная лірыка паэтэсы гранічна шчырая, пачуццёвая. У паэтычнай палітры паэткі ёсць і гумарыстычныя мініяцюры ("Дружеский шарж для мужа", "Мужчины! Говорите комплименты"). Ларыса Віктараўна чалавек сапраўды мнагагранны. Яе захапленне паэзіяй дзіўным чынам спалучаецца з уменнем маляваць. Яна сама намалявала ілюстрацыі да свайго зборніка вершаў. Яна друкавалася ў зборніку вершаў супрацоўнікаў падаткавых органаў "Вдохновение" (Магілёў, 2010).
Спіс асобна выдадзеных кніг і зборнікаў:		"Когда душа грустит" (Горки, 2009) "Под шёпот листопада" (Минск, 2023)
Звесткі пра публікацыі ў зборніках, перыядычных выданнях:		Аўтар літаратурных артыкулаў у перыядычным друку
Крыніцы інфармацыі:		Агейчик, Е. Лариса Грушина: "Я хочу передать все, что познала" : о творчестве горецкой поэтессы / Е Агейчик // Ленінскі шлях (Горкі). - 2009. - 30 красавіка.