Таленты ад роднай зямлi

Пошук персаналiй		Геаграфiчны пошук


Імя на беларускай мове:		Украінка Сяргей Сяргеевіч
Гады жыцця, месца нараджэння:		(25.01.1961, в. Ніканавічы, Быхаўскі раён, Магілёўская вобласць).
Творчая накіраванасць, тэматычны жанр:		Паэт, празаік, крытык.
Звесткі аб званнях, узнагародах:

Дадатковая інфармацыя (націсніце для паказу/скрывання)

Імя на рускай мове:		Украинка Сергей Сергеевич
Псеўданімы:
Творчасць:		Паэтычныя творы С. Украінкі друкаваліся ў калектыўных зборніках "Вусны", "Квадра", "Дняпроўскія хвалі" і інш., часопісе "Полымя", рэспубліканскай і абласной перыёдыцы. Ён удала выступіў і як празаік (часопіс "Крыніца"), крытык і літаратуразнаўца (штотыднёвік "ЛіМ", часопіс "Роднае слова"). У 2001 г. быў надрукаваны яго першы, самастойны паэтычны зборнік з назвай "Маё Купела". Вершы, змешчаныя ў зборніку – лепшыя з надрукаваных у перыёдыцы, тэматычна разнастайныя, але іх лучыць тонкі лірызм, які спалучаецца з адметнасцю светабачання і жыццёвай мудрасцю. Лірычны герой яго вершаў – асоба, паяднаная з Бацькаўшчынай, яе гісторыяй і сучаснасцю. Побач з лірычнымі вершамі ў зборніку змешчаны і творы баладнага характару. Яны вызначаюцца тонкім псіхалагізмам, уменнем іх аўтара з дапамогай мастацкай дэталі стварыць запамінальны паэтычны вобраз, малюнак. Не пакінуць абыякавым чытача вершы, прысвечаныя памяці нашых славутых пісьменнікаў М. Багдановіча ("Паэт") і М. Гарэцкага ("Вязень"), трагічны лёс якіх – напамін нам, нашчадкам, ніколі не губляць надзеі-спадзявання.
Спіс асобна выдадзеных кніг і зборнікаў:		"Маё Купела" (Магілёў, 2001) "Арганізацыя самастойнай работы студэнтаў па курсе "Гісторыя замежнай журналістыкі"(Магілеў, 2005) "Белый аист, черное перо" (Смоленск, 2015) "9 гранаў" (Мінск, 2016)
Звесткі пра публікацыі ў зборніках, перыядычных выданнях:		Аўтар літаратурных і літаратурна-крытычных артыкулаў у перыядычным друку
Крыніцы інфармацыі:		Барысік, Т. Уюн на пяску трохлітровага возера : [рэцэнзія на кнігу Сяргея Украінкі "Белы бусел, чорнае пяро"] / Таццяна Барысік // Брама : літаратурна-мастацкі альманах Магілёўскага абласнога аддзялення грамадскага аб’яднання "Саюз беларускіх пісьменнікаў" / рэд. рада. : Я. Клімуць і інш. — Мінск, 2015. — С. 208—210. Воляй абраны : [пра новае выданне Сяргея Украінкі "9 гранаў"] // Дзеяслоў. — 2016. — № 1. — С. 304 : іл. Леўчанка, М. Душа наросхрыст : [50 год паэту Сяргею Украінку з Магілёва] / Мікола Леўчанка // Маяк Прыдняпроўя (Быхаў). — 2011. — 26 студзеня. Рагаўцоў, В. Даўно чаканая сустрэча : [пра зборнік С. Украінкі "Маё Купела"] / Васіль Рагаўцоў // Маяк Прыдняпроўя. – 2002. – 9 кастрычніка. – С. 3. Сяргей Украінка : [звесткі аб жыцці і творчасці пісьменніка, ураджэнца в. Ніканавічы Быхаўскага раёна; жыве ў Магілёве] // Прыдняпроўе : Магілёўшчына літаратурная / Магілёўскае аддзяленне грамадскага аб’яднання "Саюз пісьменнікаў Беларусі" ; рэдактар-укладальнік Алесь Казека. — С. 180. — Магілёў, 2019. Чыгірова, К. 9 гранаў светлай душы : [у кінатэатры "Радзіма" адбылася творчая сустрэча, прысвечаная 55-гадоваму юбілею Сяргея Украінкі і ў сувязі з выхадам у свет яго новага зборніка вершаў] / Кацярына Чыгірова // Маяк Прыдняпроўя (Быхаў). — 2016. — 30 студзеня. — С. 12 : фота. Чыгірава, К. Край родны, край любімы : [у кінатэатры "Радзіма" адбылася творчая сустрэча пісьменнікаў-землякоў с жыхарамі г. Быхава] / Кацярына Чыгірава // Маяк Прыдняпроўя. — 2018. — 29 верасня. — С. 7 : фота.