Ермалаеў Уладзімір Фаміч (02.01.1933, в. Галавічы, Дрыбінскі раён, Магілёўская вобласць – 12.12.2014).

Кандыдат гістарычных навук, дацэнт, член Саюза пісьменнікаў Беларусі. Паэт-гумарыст, сатырык, парадыст. Узнагароджаны вышэйшай адзнакай СПБ – медалём “За вялікі ўклад у літаратуру”. Пасля заканчэння Мсціслаўскага педвучылішча (1953), а потым Мінскага педінстытута імя М. Горкага (1958) працаваў настаўнікам, інспектарам школ Смаргонскага раёна, сакратаром райкама камсамола, інструктарам ЦК ЛКСМБ. З 1964 па 1968 год быў начальнікам аддзела па рабоце з замежнымі студэнтамі. Кандыдат гістарычных навук (1982), дацэнт. Друкавацца пачаў з 1962 года, пераважна ў перыядычных выданнях. З 1990 года стала займаўся літаратурнай творчасцю.

Выступаў у друку з вершамі, у асноўным гумарыстычнымі і сатырычнымі. Першыя кніжкі выдаў у серыі “Бібліятэка Вожыка” (“Хто не смяецца, той не есць”) (1994), “Пераход колькасці ў колкасці” (1997).

У 1998-м  у выдавецтве “Мастацкая літаратура” пабачыла свет кніга гумару і сатыры “Радком па кумпалу”. У гэтым жа годзе быў прыняты ў Саюз пісьменнікаў Беларусі. Папулярнасць сярод чытачоў яму прынеслі і кнігі “Дулі будуць апасля” (2004), “Смехам закаханыя” (2008). Уладзімір Фаміч прыняў самы актыўны удзел у творчым і грамадскім жыцці нашага творчага саюза. У свій юбілейны 2013 год пісьменнік быў узнагароджаны вышэйшай адзнакай СПБ — медалём “За вялікі ўклад ў літаратуру”.

Бібліяграфія

1. Памяці калегі і таварыша : [некралог паэту Уладзіміру Фамічу Ермалаеву, ураджэнцу вёскі  Галавічы Дрыбінскага раёна] // Літаратура і мастацтва. – 2014. – 19 снежня. – С. 3 : фота. 

2. Памяці Уладзіміра Ермалаева : [некралог паэту Уладзіміру Фамічу Ермалаеву, ураджэнцу вёскі  Галавічы Дрыбінскага раёна] // Святло Кастрычніка. – 2014. – 20 снежня. – С. 2.

Аб жыцці і творчасці

1. Любіў жыццё : [пра Уладзіміра Фаміча Ермалаева, паэта, ураджэнца вёскі Галавічы Дрыбінскага раёна] // Вожык. –   2015. – № 1. – С. 216: фота. 

2. Ларченко, В. И  В жанре юмора : [о В. Ермолаеве, уроженце        Дрибинского района] //  Рэспубліка. –  2015. – 12 декабря. –  C. 4.