Белагураў Эдуард Аляксеевіч.

(27.11.1947 – 17.05.1998)

Нарадзіўся ў г. Бабруйску. Беларускі жывапісец. У 1974 г. скончыў аддзяленне манументальна-дэкаратыўнага роспісу Беларускага Дзяржаўнага тэатральна-мастацкага інстытута. Вучыўся ў Г. Вашчанкі. Бабруйчане, магчыма, не ведаюць, што праходзячы ўздоўж будынка сярэдняй школы №1, яны сустракаюцца з манументальнай кампазіцыяй Э. Белагурава. Жывапісец стварыў роспісы ў памяшканні вучылішчаў № 226, медыцынскага, актавай зале механіка-техналагічнага тэхнікума, працаваў над роспісамі ў Рагачове. У размовах пра падарожжы, пошукі цікавага, прыгожага, Эдуард заўсёды лічыў: калі мастак не здолеў знайсці свайго героя вакол сябе, не адшукае ён яго і за тысячу кіламетраў. Гэтыя словы пацвярджаюць шматлікія работы мастака: “Партрэты бацькоў”, “Каменьчыкі з Планерскага”, “Хірургі”, “Сямейны партрэт” і інш.

Мастак удзельнічаў ў мастацкіх выстаўках з 1975 г. Член БСМ з 1977 г. Ужо ў першых творах выявілася грамадзянская пазіцыя мастака, яго імкненне ўзнімаць у сваіх работах актуальныя праблемы гісторыі і сучаснасці. Працаваў ў станковым жывапісе ў жанрах фігуратыўнай карціны і партрэта. Асноўныя творы: “Асенні крос” (1975 г.), “Будаўніца Марыя Русак”, “Пачатак вясны” (1976 г.), “Дыялог” (1982 г.), “дзеці вайны”, “Каменчыкі з планерскага”, “”Більярдны шар слоновай косці”, “Eccetera… еccetera” і інш.


12 студзеня 2008 года ў Выставачнай зале г. Бабруйска адбылася выстаўка, прысвечаная памяці Эдуарда Белагурава. Зямны шлях гэтага майстра, першага з бабруйскіх мастакоў , які атрымаў міжнароднае прызнанне, раптоўна абарваўся 10 гадоў назад. У цяперашнем годзе Эдуарду Аляксеевічу споўнілася б 60 гадоў.

Творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, фондах Беларускага саюза мастакоў і Міністэрства культуры Расіі. Узнагароджаны дыпломам Акадэміі мастацтваў СССР (1980 г.).

Эдуард Аляксеевіч Белагураў // Беларускі саюз мастакоў: энцыкл. давед. – Мінск, 1998. — С. 60.

Эдуард Аляксеевіч Белагураў // Беларуская энцыклапедыя: У 18 т. Т. 2. – Мінск, 1996. – С. 383.

Гісторыя беларускага мастацтва: У 6 т. Т.6: 1960-я – сярэдзіна 1980-х гг./ Рэдкал.: С.В. Марцэлеў (гал. рэд.) і інш.; Рэд. тома В.І. Жук. – Мн.: Навука і тэхніка, 1994. – 375 с.: іл.

Эдуард Аляксеевіч Белагураў // Энцыклапедыя літаратуры і мастацтва Беларусі. – 1984. — Т. 1 – С. 324.

Барейко, И. Художник, искавший истину / Ирина Барейко // Бабруйскае жыццё. - 2008. - 23 янв. - С. 9.

Бабаева, В. ”Радуга надежды”: [Пленер юных худож. бел. ассоциации ЮНЕСКО в г. Бобруйске, посвящ. памяти Э.Белогурова] // Бел. шинник (Бобруйск ). – 1999. – 11июня.

Миронович, Л. Смертью смерть поправ…: Памяти Эдуарда Белогурова // Бобруйский курьер. – 1998. – 1 дек.

Зеленой, К. Сувениры недавних годов: венок воспоминаний на могилу бобр. живописца Э. Белогурова // Бабруйскае жыццё. – 1998. – 18 ліст.

Зяляной, К. Каменьчык ад Цыпінай гары // Літаратура і мастацтва. – 1979. – 2 лют. (№ 5). — С. 10.

Эдуард Аляксеевіч Белагураў: некралог // Бабруйскае жыццё. – 1998. – 21 мая.

Краўцоў, В. Маё “Я” ў жывапісе // Культура. – 1996. – 2-8 ліп. (№ 26). – С. 13.

Краўцоў, В. Мастак з вялікай літары // Бабруйскае жыццё. – 1996. – 15 чэрв. - С. 2.

Кравцов, В. Иногда он пишет портреты на родине Гойи // Могилёвская правда. – 1996. – 8 июня. — С. 3.

Мікалаеў, Р. Задумаў мастак партрэт…// Магілёўская праўда. – 1986. – 9 мая.

Карчажкіна, Т. Крыніцы натхнення // Камуніст. – 1986. – 4 студз.

Замежнае турнэ карціны: [“Дзіця вайны” бабр. жывапісца Э.Белагурава] // Камуніст. – 1981. – 20 ліст.

Рудкоўскі, М. Цень на белым квадраце, або некалькі штрыхоў да творчага партрэта мастака Э. Белагурава // Магілёўская праўда. – 1981. – 15 жн.

Зяляной, К. Каменьчык ад Цыпінай гары // Літаратура і мастацтва. – 1979. – 2 лют. (№ 5). — С. 10.